ماحۋ مۇناي الابىنىڭ بيىل وندىرگەن مۇنايى 2 ميلليون توننادان استى
2020.12.16 15:08 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى ما ينيڭ 12 - ايدىڭ 14 - كۇنى ۇرىمجىدەن حابارلايدى. ءتىلشىنىڭ جۇڭگو مۇناي شينجياڭ مۇناي الابى سەرىكتەستىگىنەن ۇعىسۋىنشا، 12 - ايدىڭ 14 - كۇنى شينجياڭ مۇناي الابى سەرىكتەستىگى ماحۋ مۇناي الابىنىڭ تۇتاس جىلدىق جاڭا ءوندىرىس قۋاتى، جىلدىق وندىرگەن مۇنايى جەكە - جەكە 2 ميلليون توننادان اسقان، تۇتاس جىلدا 2 ميلليون 14 مىڭ تونناعا، 2 ميلليون 220 مىڭ تونناعا جەتىپ، 2019 - جىلداعىدان ％54.1، ％38.6 ارتادى دەپ مەجەلەنگەن.
ماحۋ مۇناي الابى شينجياڭ مۇناي الابى سەرىكتەستىگىنىڭ تالاي جىلدى باستان كەشىرىپ بارلاۋدان قامال العان، جوڭعار ويپاتىنىڭ ماحۋ شوگىندى ورتالىق وڭىرىندە بايقاعان ءبىر ميلليارد توننالىق دەڭگەيدەگى مالتا جىنىستى مۇناي الابى. بارلاۋ - اشۋ اياق الىسىن جەدەلدەتۋ ءۇشىن، 2018 - جىلى 6 - ايدا جۇڭگو مۇناي توبى سەرىكتەستىگى جوڭعار ويپاتىنىڭ ءتۇيىندى بارلاۋ الابىن بارلاۋ - اشۋ قۇرىلىسىنا جۇمىس باسىندا قولباسشىلىق ەتۋ شتابىن ارناۋلى قۇرىپ، شايقاسقا قاتىناسۋشى 15 ورىننىڭ باسىمدىققا يە كۇشتەرىن شوعىرلاندىرىپ، جوبالاردى زەرتتەۋ، تەحنيكادان قامال الۋ، ۇيىمداستىرىپ سايكەستىرۋ، جۇمىس باسىندا اتقارۋ سياقتى جاقتاردا بىرگە كۇش شىعاردى. قازىرگە دەيىن 3 دارەجەلى مۇنايدىڭ گەولوگيالىق قورى ءبىر ميلليارد 600 ميلليون توننا ەكەندىگى تياناقتاندى، مۇنىڭ ىشىندە بارلاپ انىقتالعان قور 540 ميلليون توننا، 2017 - جىلدان باستاپ كولەمدى اشقاننان بەرى جاڭا ءوندىرىس قۋاتى جيىنى 5 ميلليون 485 مىڭ توننا بولىپ، وندىرگەن مۇنايى جيىنى 6 ميلليون 236 مىڭ تونناعا جەتكەن.
بيىل شينجياڭ مۇناي الابى ىندەت ىقپالىن جەڭىپ، ۇيىمداستىرىپ سايكەستىرۋ، زاتتىق ماتەريالدارمەن قامداۋ، الدىمەن ىستەلەتىن ىستەردى ءبىتىرۋ سياقتى قىزمەتتەردى جاپپاي كۇشەيتىپ، جۇمىس باسىنداعى بۋىنداردىڭ قاپىسىز ءتۇيىلىسۋىن كۇشەيتىپ، ماحۋ مۇناي الابىنىڭ ءوندىرىس جۇمىسىنىڭ ورنىقتى، ءتارتىپتى بولۋىنا شىنايى كەپىلدىك ەتتى. اسىرەسە، بۇرعىلاۋ ماشيناسى بايلىعى، ۇڭعىما مەڭگەرۋ جابدىعى جانە ءوندىرىس تەمپەراتۋراسىن ساقتاۋ سياقتى جابدىق، زاتتىق ماتەريالدارىمەن قامداۋدى كۇشەيتىپ، الۋان ءتۇرلى شارالاردى قولدانىپ، قىزمەتكەرلەردىڭ تياناقتانۋىن قامتاماسىز ەتتى؛ وڭىرلەر بويىنشا قۇدىق بۇرعىلاۋ جىلدامدىعىن ارتتىرۋ ۇلگىسىن كەمەلدەندىرىپ، جالپىلاستىرىپ، ماحۋ تيراس جۇيەسى گوريزونتال قۇدىعىنىڭ ورتاشا قۇرىلىس ۋاقىتى 79.7 كۇنگە قىسقارىپ، ماحۋ 1 ۇلگى كورسەتۋ اۋماعىندا، جينلۇڭ 2 قۇدىق اۋماعىندا باعىتتامالى قۇرۋ - ءوندىرۋ ۇلگىسى مەن جىلدامدىعىن ارتتىرۋ تەحنيكاسىن قالىپتاستىردى؛ قىسىممەن قابات جارۋ قۇراما تەحنولوگياسىن جاپپاي جالپىلاستىرىپ، قۇرىلىس جۇرگىزۋ ءتارتىبىن ساپالىلاندىرىپ، تۇلعالىق قىسىممەن قابات جارۋدى وندىرىسكە قوسىپ، گوريزونتال قۇدىقتىڭ قىسىممەن قابات جارۋىنىڭ ورتاشا سايكەستىك ونىمدىلىگى سايكەس مەزگىلدەگىدەن ％54.2جوعارىلادى.
دامۋ جوباسىنا ساي، ماحۋ مۇناي الابىنىڭ 2025 - جىلى شيكى مۇناي ءونىم مولشەرى 5 ميلليون تونناعا جەتەدى ءارى 6 جىل ورنىقتى جۇمىس جۇرگىزىپ، شينجياڭنىڭ 50 ميلليون توننا مۇناي - گاز سالىستىرما مولشەرىن وندىرىسكە قوسۋىنا، ەل ءىشى شيكى مۇنايىنىڭ 100 ميلليون توننالىق ءوندىرىسىن ءونىمدى ورنىقتىرۋعا دەم بەرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
