شينجياڭ ۇيعۇر اۆتونوميالى رايونى پاميدور جونىندە ارناۋلى اقپار جاريالاۋ ءماجىلىسىن وتكىزدى
پاميدور شارۋاشىلىعىن زورايتىپ، وسەك - اياڭ، ساندىراقتارعا تويتارىس بەرەيىك
2021.10.29 10:37 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 10 - ايدىڭ 27 - كۇنى ۇرىمجىدەن حابارلايدى. 10 - ايدىڭ 27 - كۇنى شينجياڭ ۇيعۇر اۆتونوميالى رايونى ۇرىمجىدە پاميدور جونىندە ارناۋلى اقپار جاريالاۋ ءماجىلىسىن وتكىزدى. اقپار جاريالاۋ ماجىلىسىندە نەگىزگى ساتىداعى 6 بۇقارا ۋاكىلىمەن ناق مايداندا جەلىدە بايلانىس جاساپ، ءوز حيكايالارىنان اڭگىمە شەرتىپ ءبولىسۋ ارقىلى شينجياڭداعى پاميدور كاسىبىمەن شۇعىلداناتىن ءار ۇلتتىڭ باقىتتى تۇرمىسىن، سونداي - اق شينجياڭداعى پاميدور كاسىپ سالاسىنىڭ قارىشتاپ دامۋ جاعدايىن وبيەكتيۆ تۇردە باياندادى.
”پاميدور ەگۋدىڭ ارقاسىندا مەن قالاشىقتان ءۇي ساتىپ الدىم، اۆتوكولىك ساتىپ الدىم، قوس قولىما سۇيەنىپ، باقىتتى تۇرمىستى جاراتتىم“، ينتەرنەتتە بايلانىس جاساۋ ارقىلى بايىنعولين موڭعۇل اۆتونوميالى وبلىسى حىجيڭ اۋدانى بارۇنحارمودۇن قالاشىعى ارىل قىستاعىنداعى شارۋا ساليجان شاكىر ءوزىنىڭ پاميدور ەگۋ جاعدايىن تانىستىردى. ول بىلاي دەدى: حىجيڭداعى شارۋالاردىڭ بارلىعى پاميدور ەگۋدى جاقسى كورەدى، اۋىل شارۋاشىلىعىن وسىزامانداندىرۋ دەڭگەيىنىڭ ۇزدىكسىز جوعارىلاۋىنا ىلەسە، جەر جىرتۋ، مايسا ءوسىرۋ، سۋارۋ، تىڭايتقىش بەرۋدەن تەرۋگە دەيىن بارلىعى ماشينالاندىرىلا جۇرگىزىلىپ، ”تىزبەكتى“ جۇمىس جۇرگىزىلەتىن بولدى. ”بىلتىر 3 دوسىممەن سەرىكتەسىپ ءبىر ميلليون 500 مىڭ يۋان قارجى قوسىپ، 700 مۋ جەرگە پاميدور ەگىپ، 2 ميلليون 30 مىڭ يۋان تاپتىق“. ساليجان بىلاي دەدى: بيىل تاعى 3000 مۋ جەردى كوتەرمەگە الىپ، تۇگەلدەي پاميدور ەكتىم، بولاشاققا دەگەن سەنىمىم كامىل.
سانجى قالاسى ارليۋگۇڭ قالاشىعى باقىت قىستاعىنداعى ەگىمشىلىك ءىرى وتباسى ما حۇڭكۇي پاميدوردى ”باقىت جەمىسىنە“ بالادى. ءبىر قاراپايىم شارۋا رەتىندە، ول شينجياڭنىڭ اۋىل شارۋاشىلىعىن وسىزامانداندىرا دامىتۋىنا كۋا بولدى، عىلىم - تەحنيكانىڭ شارۋالارعا اكەلگەن ناقتى پايداسىن ءوز كوزىمەن كوردى. ”ۇشقىش اپپاراتپەن وسىمدىكتى باپتاۋ، ۇلكەن ات كۇشىندىك ماشينامەن جيناۋ، وسىلاردىڭ بارلىعى ەڭبەك كۇشەمەلىلىگىن زور مولشەردە جەڭىلدەتتى“، - دەدى ما حۇڭكۇي.
يانچي حۇيزۋ اۆتونوميالى اۋدانىنداعى شينجياڭ كايدۋحى ازىق - تۇلىك شەكتى جاۋاپكەرشىلىك سەرىكتەستىگىنىڭ زاۆود باستىعى راحمان امىر كامەرا ارقىلى ناق مايداندا پاميدور مانەرلەۋ سەحىنىڭ جۇمىس جاعدايىن كورسەتتى. كەزەكتە وسى سەرىكتەستىكتە حانزۋ، حۇيزۋ، ۇيعۇر ۇلتىن قامتىعان 147 قىزمەتكەر بار. سەرىكتەستىكتە قىزمەت ىستەگەن 7 جىلدان استام ۋاقىتتان بەرى، ول ءبىر قامبا باسقارۋشىدان زاۆودتىڭ جاۋاپتىسى بولىپ تولىسىپ جەتىلدى، راحمان بولاشاعى بار مۇنداي تۇرمىسىن تاماشا دا باقىتتى سەزىندى.
اقپار جاريالاۋ ماجىلىسىندە اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ورىنباسار باستىعى جۋ داگاڭ شينجياڭ پاميدور شارۋاشىلىعىنىڭ قازىرگى احۋالىن تانىستىردى. ول بىلاي دەدى: شينجياڭنىڭ پاميدور وڭدەۋ، ەگۋ بازاسى ولشەمدى ەگۋ، ماشينامەن جيناۋ، تاپسىرىس بويىنشا باسقارۋدى نەگىزىنەن جۇزەگە اسىردى، ول شينجياڭ شارۋالارىنىڭ كىرىسىن ارتتىراتىن، ولاردى بايۋعا باستايتىن باستى كاسىپ سالالارىنىڭ ءبىرى.
جۋىقتا امەريكاداعى جانە باتىستاعى جۇڭگوعا قارسى كۇشتەر وتىرىك وسەك جانە جالعان ينفورماتسيا نەگىزىندە شينجياڭعا باعىتتالعان، شينجياڭنىڭ ماقتاسىن، پاميدورىن يمپورت ەتۋگە تيىم سالۋدى قامتىعان جازالاۋ شارالارىن شىعاردى. بۇل جونىندە اقپار جاريالاۋ ماجىلىسىنە قاتىناسقان ۋاكىلدەر جاپپاي مىنانى ءبىلدىردى: شينجياڭنىڭ پاميدور كاسىپورىندارىنىڭ بارلىعى زاڭدى تىركەۋگە الىنعان، زاڭ بويىنشا، بەلگىلەمە بويىنشا ءوندىرىس، تيجارات جۇرگىزەتىن كاسىپورىندار، زاڭدارعا، زاڭ ەرەجەلەرگە قاتاڭ بويسۇنادى، ساۋدا قاعيدالارىنا دا قاتاڭ بويسۇنادى، ايتىلمىس ”زورلىقپەن ەڭبەككە سالۋ“ دەگەن مۇلدەم ءومىر سۇرگەن ەمەس. دۇنيە ءجۇزى − ۇلكەن بازار، شينجياڭ كاسىپورىندارىنىڭ سىرتقى ساۋدادا سەرىكتەرى وتە كوپ، امەريكادان ايرىلسا بولعانى كۇيرەيدى دەگەن مۇلدەم بوس ءسوز.
”كوڭىلدى ەڭبەك قالايدان - قالاي ’زورلىقپەن ەڭبەككە سالۋ‘ بولماق؟“، شينجياڭ شياۋچۋ ازىق - تۇلىك شەكتى سەرىكتەستىگى بازار ءبولىمىنىڭ قىزمەتشىسى ءرايلام ءامدوللا بىلاي دەدى: شينجياڭنىڭ پاميدور شارۋاشىلىعىن ۇلعايتۋ، جاقسى تۇرمىس كەشىرۋ − وتىرىك وسەككە جاسالعان ەڭ پارمەندى تويتارىس.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
