ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى پىكىر باسىپ تاراتتى
استىق ساتىپ الۋ – ساتىپ بەرۋ سالاسىنداعى شىرىكتەسۋ ماسەلەسىن ارناۋلى تۇردە جونگە سالۋدى ۇزدىكسىز، ىشكەرىلەي ورىستەتۋ كەرەك
2023.01.31 13:39 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 30 – كۇنى بەرگەن حابارى (سۇن شاۋلۇڭ، چىن يۇيسۇڭ) ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتى تورابىنىڭ 1 – ايدىڭ 30 – كۇنى حابارلاۋىنشا، ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى جۋىردا «استىق ساتىپ الۋ – ساتىپ بەرۋ سالاسىنداعى شىرىكتەسۋ ماسەلەسىن ارناۋلى جونگە سالۋ قىزمەتى جونىندەگى پىكىردى» باسىپ تاراتىپ، ءار دارەجەلى ءتارتىپ تەكسەرۋ، باقىلاۋ ورگاندارىنان استىق ساتىپ الۋ – ساتىپ بەرۋ سالاسىنداعى شىرىكتەسۋ ماسەلەسىنە ايرىقشا ءمان بەرۋدى، قاتىستى تاراۋلارمەن بىرگە ارناۋلى جونگە سالۋ قىزمەتىن ۇزدىكسىز مىقتى ۇستاۋدى، شىنايى ۇستاۋدى تالاپ ەتكەن.
پىكىردە مىنالار باسا دارىپتەلگەن: استىق ساتىپ الۋ – ساتىپ بەرۋ سالاسىنداعى شىرىكتەسۋ ماسەلەسىنە قاتىستى جازالاپ جونگە سالۋ تەبىنىن ۇزدىكسىز ارتتىرىپ، استىققا ساياتىن ماسەلەلەردىڭ ءجىپ ۇشتارىنا اداقتاۋ فورماسىنداعى «قايرىلىپ قاراۋ» قىزمەتىن ورىستەتىپ، تەكسەرۋگە تيىستىلەرىن تولىق تەكسەرۋ، تۇبەگەيلى تەكسەرۋ كەرەك؛ استىققا ساياتىن بىلىققان جاعدايلاردىڭ استارىنداعى شىرىكتەسۋ ماسەلەسىن قاتاڭ قاداعالاپ، «كولەڭكە جارناگەر»، «كولەڭكە سەرىكتەستىك»، «اتى مەملەكەت باسقارۋىنداعى كاسىپورىندار بولعانىمەن، ءىس جۇزىندە حالىق باسقارۋىنداعى كاسىپورىندار»، سونداي – اق، بايلانىسقان ساۋدالاستىق، قاراجاتتى زاڭسىز الماستىرۋ، استاسىپ پايدا كورۋ قاتارلى دەلولاردى ىشكەرىلەي انىقتاپ ءبىر جاقتى ەتىپ، قاتاڭ، اۋىر جازالاپ، مۇلدە جول بەرمەۋ سىندى تىكسىندىرۋ رولىن، جوعارى قىسىمدى جازالاپ جونگە سالۋ قۋاتىن ۇنەمى ساقتاپ وتىرۋ كەرەك؛ استىقتى ساتىپ الۋ، ساقتاۋ، الماستىرۋ، ساتۋ قاتارلى بۋىنداردى ءتۇيىندى تۇردە توڭىرەكتەي وتىرىپ، «جاڭا استىقتىڭ ورنىنا كونە استىق بەرۋ»، «الدىمەن قابىلداپ، سوڭىنان جوتكەۋ»، جالعاننان زات قابىلداپ، جالعاننان زات شىعارۋ، دارەجەسىن، باعاسىن تومەندەتۋ، ءىشىپ – جەۋ – ساۋعا قابىلداۋ – بوگەت بولۋ – ساۋعا سۇراۋ، سونداي – اق، قول ۇشىمەن ىستەپ، جاۋاپكەرشىلىكتى باسقالارعا يتەرۋ، قىزمەتتە نەمقۇرايدىلىق ىستەۋ، فورماشىلدىق، تورەشىلدىك قاتارلى ماسەلەلەردى قاتاڭ تەكسەرىپ ءبىر جاقتى ەتۋ كەرەك؛ بەلگى قويىپ بىتىرۋگە قۋزاۋ سالاتىن ماسەلەلەرگە قاتىستى ءجىپ ۇشتارى مەن دەلولاردى بىتىرۋگە ايرىقشا ءمان بەرىپ، شوعىرلى تۇردە انىقتاپ ءبىر جاقتى ەتۋ جانە ساناق جۇرگىزۋ كەرەك؛ ءىرى تيپتىك دەلولاردى ۇيلەسىمدى ۋاقىتتا قوعامداعى جۇرتقا اشىق جاريالاپ، كادرلارعا ەسكەرتۋ بەرۋ، تيداۋ سالۋ، قاتاڭ راي قالىپتاستىرۋ كەرەك.
سونىمەن بىرگە، پىكىردە مىنالار باسا دارىپتەلگەن: ۇدايىلانعان باقىلاۋ – باسقارۋدى ۇزدىكسىز ورىستەتىپ، استىقتى ساتىپ الۋ – ساتىپ بەرۋ سالاسىن باقىلاۋ جانە ءتارتىپتى اتقارۋ، جاۋاپكەرشىلىكتى قۋزاستىرۋ جاعىنداعى ءتۇيىندى سالالار قاتارىندا قاراپ، ءتۇرلى تاسىلدەردى ءبىرتۇتاس جوسپارلاپ قولدانۋ ارقىلى باقىلاۋدى كۇشەيتۋ كەرەك؛ ءتارتىپ تەكسەرۋ، باقىلاۋ تاراۋلارى مەن استىق ءوندىرۋ جانە ساقتاۋ تاراۋلارى، بازاردى باقىلاۋ – باسقارۋ، ەسەپ تەكسەرۋ تاراۋلارى قاتارلى كاسىپتىك باقىلاۋ تاراۋلارىنىڭ كۇشىن بىرىكتىرىپ، ءتارتىبىن سايكەستىرىپ، قىزمەتىن توعىستىرىپ، باقىلاۋ تورىن بەكەمدەپ، قىزمەتتەگى بىرىككەن كۇشتى قالىپتاستىرۋ كەرەك.
مۇنان سىرت، پىكىردە باقىلاۋ – باسقارۋ ءتۇزىلىسى مەن مەحانيزمىنە رەفورما جاساۋدى ۇزدىكسىز ىلگەرىلەتۋ، پاراساتتى استىق قامباسى قۇرىلىسىن ۇزدىكسىز ىلگەرىلەتۋ، ءارقايسى جاقتاردىڭ جاۋاپكەرشىلىگىن ۇزدىكسىز ناقتىلاندىرۋ قاتارلى جاقتاردا ايقىن تالاپتار ورتاعا قويىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
