بيىل قورعاس شەكارا وتكەلىنەن وتكەن كەزەكشى پويەز 4000 كەزەكتەن استى
2023.07.17 16:11 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 7 - ايدىڭ 15 - كۇنى ۇرىمجىدەن حابارلايدى. ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 7 - ايدىڭ 11 - كۇنىنە دەيىن بيىل قورعاس تەمىر جول شەكارا وتكەلىنەن وتكەن جۇڭگو − ەۆروپا (ورتا ازيا) كەزەكشى پويەزدەرىنىڭ سانى 4000 كەزەكتەن اسىپ، بىلتىرعىدان 22 كۇن ىلگەرى بولعان.
بيىل جىل باسىنان بەرى جىبەك جولى ەكونوميكالىق بەلدەۋى وزەكتى رايونى قۇرىلىسىن ارقاۋ ەتكەن شينجياڭ تەمىر جول تاراۋلارى تاسىمال كۇشى ۇسىنىلىمىن ارتتىرىپ، تاسىمال قۋاتىن ۇيلەسىمدى رەتتەپ، جۇڭگو − ەۆروپا (ورتا ازيا) كەزەكشى پويەزدەرىنىڭ ءوتۋ سانىنىڭ جانە تاسىمال قۋاتىنىڭ ۇزدىكسىز ارتۋىن جۇزەگە اسىردى.
ورتا - باتىس ازياعا، ەۆروپاعا تۇتاستىراتىن ارنانىڭ ماڭىزدى تورابى رەتىندە، الدىڭعى جارتى جىلدا، قورعاس تەمىر جول شەكارا وتكەلى ارقىلى شەكارادان كىرىپ - شىققان جۇڭگو − ەۆروپا (ورتا ازيا) كەزەكشى پويەزدەرى 3864 كەزەككە جەتىپ، سايكەس مەزگىلدەگىدەن ％8. 16 ارتتى؛ جۇك وتكىزۋ مولشەرى 5 ميلليون 283 مىڭ تونناعا جەتىپ، سايكەس مەزگىلدەگىدەن ％4. 30 ارتتى.
بيىل قورعاس ۆوگزالى جۇڭگو − ەۆروپا (ورتا ازيا) كەزەكشى پويەز تاسىمالىن ۇيىمداستىرۋدى ساپالىلاندىرىپ، ۆوگزال - الاڭداردىڭ لەنيا قۋاتىن تولىق كادەگە جاراتىپ، ءار كۇنگى كەزەكشى پويەزدەردىڭ كەلۋ - جونەلۋ جاعدايى بويىنشا، لەنيالاردان پايدالانۋدى ساپالىلاندىرىپ، قابىلداعان - جونەلتكەن پويەزدەر جانە جىكتەۋ - اۋىستىرىپ تيەۋ جۇمىستارىن ۇيلەسىمدى ۇيىمداستىردى. كەزەكشى پويەزدەردى كەدەننەن وتۋگە ۇيىمداستىرۋ ءتارتىبىن ىركىلىسسىزدەندىرىپ، جاي بەلەتتەردى تەكسەرۋ، پويەز ورنالاستىرۋ جوسپارىن جەتكىزۋ سياقتى جۇمىس بۋىندارىن الدىنا قاراي ورنالاستىرىپ، پويەزدەردى قابىلداۋ - جونەلتۋ، ۆاگونداردى يكەمدى ورنالاستىرۋ، جۇكتەردى تيەۋ - ءتۇسىرۋ سياقتى جۇمىستاردىڭ ءتارتىپتى ءتۇيىلىسۋىن جۇزەگە اسىرىپ، تاسىمالدى ۇيىمداستىرۋ ونىمدىلىگى جانە شەكارا وتكەلىنىڭ كەدەننەن وتكىزۋ قۋاتى كورنەكتى جوعارىلاپ، كەزەكشى پويەزدەردىڭ ءوتۋ سانى ءۇرتىس 4 اي بويى اي سايىن 600دەن جوعارى بولدى.
قورعاس ۆوگزالى كەدەنمەن، كاسىپورىندارمەن بايلانىستى ۇزدىكسىز تەرەڭدەتىپ، پويەزدىڭ جولعا شىعۋ، تەكسەرىلۋ جانە جەتۋ ۋاقىتىن الدىن الا حابارلاپ، جۇمىستاردىڭ ءتۇيىلىسۋىن كۇشەيتتى، جۇڭگو − قازاقستان مەرزىمدى كەڭەس مەحانيزمىنە سۇيەنىپ، كولىك تاپسىرۋ ونىمدىلىگىنە ىقپال جاسايتىن قيىن ماسەلەلەردى كۇش بىرىكتىرە شەشتى. سيفرلاندىرىلعان شەكارا وتكەلى قۇرىلىسىن زور كۇشپەن ىلگەرىلەتىپ، كەدەننەن ءبىر تۇلعالاندىرا وتكىزۋدى، قاعازسىزداندىرىپ مالىمدەۋدى جالپىلاستىرىپ، بەلەت - كۋالىك ءبىتىرۋ مەن كەدەنگە مالىمدەپ وتكىزۋدىڭ قاتارلاس، قادامداس بولۋىن جۇزەگە اسىرىپ، كەزەكشى پويەزدەردىڭ ۆوگزالدا ايالداۋ ۋاقىتىن قىسقارتتى.
قازىر، قورعاس تەمىر جول شەكارا وتكەلىنەن وتەتىن كەزەكشى پويەز لەنيالارى 77گە جەتىپ، شەكارا سىرتىنداعى 18 مەملەكەتتى، 45 قالا مەن ءوڭىردى شارپىدى، جۇك - بۇيىمدار 200دەن استام تۇرگە جەتىپ، جاڭا كاسىپ سالاسىنىڭ دامۋىن جەتىلدىرۋ، جەتەكتەۋ، ەكونوميكانىڭ تىڭ ارتۋ ءتۇيىنىن جەدەل قالىپتاستىرۋ ءۇشىن سارقىلماس قوزعاۋشى كۇش ازىرلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
