الدىڭعى جارتى جىلدا ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %5.5 ارتتى (جاڭا ساندى مالىمەت، جاڭا ءتۇيىن)
2023.07.18 15:37 كەلۋ قاينارى : حالىق تورابى
«حالىق گازەتى»، 7 - ايدىڭ 17 - كۇنى، بەيجيڭ (ءتىلشى ليۋ جىچياڭ). 7 - ايدىڭ 17 - كۇنى مەملەكەتتىك ساناق مەكەمەسى جاريالاعان جۇڭگو ەكونوميكاسىنىڭ جارىم جىلدىق مالىمەتىندە كورسەتىلۋىنشە، بيىل الدىڭعى جارتى جىلدا ىشكى ءوندىرىستىڭ جالپى ءونىم قۇنى (GDP) 59 تريلليون 303 ميلليارد 400 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن %5.5 ارتىپ، تۇتاس جىلداعى ەكونوميكانىڭ ارتۋ قارقىنىنان كورنەكتى تەز بولىپ، ەكونوميكانىڭ 1 - توقسانداعى %5.4 تىك ارتۋ قارقىنىنان دا تەز بولعان. كۇردەلى دە قاتاڭ سىرتقى ورتادا ەلىمىز ەكونوميكاسىنىڭ ارتۋ قارقىنى دۇنيە جۇزىندەگى نەگىزگى دامىعان ەكونوميكالىق تۇلعالاردان كورنەكتى تەز بولىپ، ەلىمىز ەكونوميكاسى دامۋىنىڭ سەرپىمدىلىك قۋاتى زور ەكەنىن ايگىلەدى.
بيىل جىل باسىنان بەرى ەكونوميكا مەن قوعامنىڭ ۇدايىلانعان اينالىمىنىڭ جاپپاي قالپىنا كەلتىرىلۋىنە بايلانىستى، ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ ساياساتىنىڭ ونىمدىلىگى بىرتىندەپ كورنەكتىلەنىپ، دامۋ ساپاسى ۇزدىكسىز جوعارىلاپ، حالىق شارۋاشىلىعى قالپىنا كەلدى.
ىشكى سۇرانىم ۇزدىكسىز كەڭەيدى. الدىڭعى جارتى جىلدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %8.2 ارتىپ، ءبىرشاما تەز ارتۋدى ساقتادى؛ ەڭ سوڭعى تۇتىنۋ شىعىسىنىڭ ەكونوميكانىڭ ارتۋىنا قوسقان ۇلەس مولشەرى %77.2 كە جەتىپ، بىلتىرعىدان كورنەكتى جوعارى بولدى. ءتۇيىندى سالالارعا قارجى قوسۋدىڭ ارتۋى ءبىرشاما تەز بولىپ، قامداۋ قۇرىلىمىن ساپالىلاندىرۋدىڭ رولى ءونىمدى ساۋلەلەندىرىلدى. الدىڭعى جارتى جىلدا تۇراقتى مۇلىككە قوسىلعان قارجى سايكەس مەزگىلدەگىدەن %3.8 ارتتى، مۇنىڭ ىشىندە نەگىزدىك قۇرىلعىلارعا قوسىلعان قارجى، جاساۋ كاسىبىنە قوسىلعان قارجى جەكە - جەكە %7.2 جانە %6 ارتتى.
كاسىپ سالاسىنىڭ دامۋى ۇزدىكسىز بەكەمدەلدى. اۋىل شارۋاشىلىعىندا ءونىمدى ورنىقتىرۋعا، ءونىمدى ارتتىرۋعا كەپىلدىك ەتۋ، ناقتى ەكونوميكانىڭ دامۋىن جەبەۋ جونىندەگى ءبىرقىدىرۋ ساياساتتىق شارانىڭ اسەرىنەن ءۇش كاسىپ سالاسى ۇزدىكسىز قالپىنا كەلىپ، دامۋ نەگىزى بەكەمدەلدى. اۋىل شارۋاشىلىق ءوندىرىسى ورنىقتى بولدى، جازعى استىق وندىرىسىنەن مول ءونىم الىندى، كوكونىس، جەمىس - جيدەك، ەت، قۇس ەتى، جۇمىرتقا، ءسۇت سياقتىلاردىڭ بازارداعى قامداۋى جالپى جاقتان جەتكىلىكتى بولدى. ونەركاسىپ ءوندىرىسى ءۇرتىس قالپىنا كەلدى، الدىڭعى جارتى جىلدا كولەمدەنگەن ونەركاسىپتىڭ ارتقان قۇنى سايكەس مەزگىلدەگىدەن %3.8 ارتىپ، ءبىرىنشى توقسانداعىدان 0.8 پايىز تەز بولدى. قىزمەت وتەۋ كاسىبى ءبىرشاما تەز ارتتى، الدىڭعى جارتى جىلدا قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن %6.4 ارتىپ، ەكونوميكانىڭ ارتۋ قارقىنىنان تەز بولدى، مۇنىڭ ىشىندە تولايىم ساتۋ، بولشەك ساتۋ، اس - سۋ كاسىبى، قاتىناس - تاسىمال سياقتى جاناسۋ تيبىندەگى، شوعىرلى قىزمەت وتەۋ كاسىبىنىڭ ارتۋ قارقىنى كورنەكتى جوعارىلادى.
ەكونوميكالىق قۇرىلىم رەتتەلىپ، ساپالىلاندى. كاسىپ سالاسى قۇرىلىمى ۇزدىكسىز ساپالىلاندى. الدىڭعى جارتى جىلدا قىزمەت وتەۋ كاسىبىنىڭ ارتقان قۇنىنىڭ ىشكى ءوندىرىس جالپى قۇنىنداعى ارا سالماعى %56 كە جەتىپ، ەكونوميكانىڭ ارتۋىنا قوسقان ۇلەس شاماسى %66.1 كە جەتىپ، 2 - كاسىپ سالاسىنىڭ ۇلەس مولشەرىنەن جوعارى بولدى؛ جابدىق جاساۋ كاسىبىنىڭ ارتقان قۇنىنىڭ كولەمدەنگەن ونەركاسىپتىڭ ارتقان قۇنىنداعى ارا سالماعى %32.3 كە جەتىپ، الدىنداعى جىلداعى سايكەس مەزگىلدەگىدەن 1.4 پايىز جوعارىلادى. تۇتىنۋدى قارجىلاندىرۋ قۇرىلىمى جاقسارتىلدى. الدىڭعى جارتى جىلدا شەكتى مولشەردەن جوعارى بىرلىكتەگى التىن، كۇمىس، ءىنجۋ - مارجان تۇرلەرى، دەنەتاربيە، كوڭىل اشۋ بۇيىمدارى سياقتى دارەجەسى جوعارىلاتىلعان تاۋارلاردىڭ بولشەك ساتىلۋ سوماسى سايكەس مەزگىلدەگىدەن جەكە - جەكە %17.5، %10.5 ارتتى؛ جوعارى تەحنيكالى كاسىپتەرگە قوسىلعان قارجى سايكەس مەزگىلدەگىدەن %12.5 ارتىپ، جالپى قارجى قوسۋدىڭ ارتۋىنان كورنەكتى تەز بولدى.
جاڭالىق اشۋدىڭ قوزعاۋشى قۋاتى ۇزدىكسىز كۇشەيدى. جاڭا كاسىپ سالاسى تولىسىپ، زورايدى. الدىڭعى جارتى جىلدا كولەمدەنگەن اۆياتسيالىق عارىش اسپابى جانە جابدىق جاساۋ كاسىبى، ليتي يونى باتەرياسىن جاساۋ كاسىبىنىڭ ارتقان قۇنى سايكەس مەزگىلدەگىدەن جەكە - جەكە %22.9، %29.7 ارتتى؛ ينفورماتسيا - جەتكىزۋ، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ ارتقان قۇنى %12.9 ارتتى.جاڭا كاسىپ كۇيى ۇزدىكسىز جانداندى. الدىڭعى جارتى جىلدا ناقتى زات تاۋارلارىنىڭ توراپتا بولشەك ساتىلۋ سوماسى سايكەس مەزگىلدەگىدەن %10.8 ارتىپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنداعى سالىستىرماسى %26.6 بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
