گۋاڭدۇڭدا ءبىر مەكتەپ وقۋشىلاردان كيىم قاراجاتى رەتىندە 4000 يۋاننان استام اقى الدى دەگەن ءسوز راس پا؟ ۇكىمەت جاق جاۋاپ قايتاردى

2023.07.18 15:47 كەلۋ قاينارى : حالىق تورابى

　　جۋىردا توراپتاستاردىڭ اشكەرەلەۋىنە قاراعاندا، گۋاڭدۇڭ ولكەسى دۇڭگۋان قالالىق گۋاڭجىڭ تاجىريبە ورتا مەكتەبى جاڭادان تىزىمدەلگەن وقۋشىلاردان مەكتەپ كيىمىن الۋ ءۇشىن 4000 يۋان قاراجات تاپسىرۋدى تالاپ ەتكەن، بۇل ءىس جونىندە قىزۋ تالقى بولدى.

　　4000 نەشە يۋاندى قايدا جۇمساماقشى؟ اتالعان مەكتەپتىڭ ۋيچات تەكشەسى ارقىلى ارقىلى جاريالاعان ۇقتىرۋىنداعى ورتا مەكتەپتىڭ 1 - جىلدىعىنا قابىلداناتىن وقۋشىلار بىلۋگە ءتيىستى مازمۇندارعا نەگىزدەلگەندە، ۇل بالالارعا ارنالعان مەكتەپ كيىمى 4033 يۋان، قىز بالالارعا ارنالعان مەكتەپ كيىمى 4043 يۋان ەكەن، مەكتەپ كيىمى جيىنى 30 - 31 پار ەكەن.

　　وسى ءىس جونىندە ءتىلشى دۇڭگۋان قالالىق وقۋ - اعارتۋ مەكەمەسىنىڭ قاتىستى جاۋاپتىسىن سۇحباتقا تارتقان، ول مىنانى ءبىلدىردى: ”مەكتەپكە قابىلدانعان وقۋشىلار مەكتەپ كيىمىن الۋ ءۇشىن 4000 يۋاننان استام اقى تاپسىرۋى كەرەك“ دەگەن تالاپقا كوپشىلىكتىڭ اڭىسى كۇشتى بولدى، وسى ىسكە دۇڭگۋان قالالىق وقۋ - اعارتۋ مەكەمەسى ايرىقشا ءمان بەرىپ، دەرەۋ ارناۋلى قىزمەت گرۋپپاسىن جىبەرىپ، اتالعان مەكتەپتە تەكسەرۋ جۇرگىزدى. العاشقى قادامداعى تەكسەرۋ ناتيجەسىنە قاراعاندا، دۇڭگۋان قالالىق گۋاڭجىڭ تاجىريبە مەكتەبى مەكتەپ كيىمىن ساتىپ الۋ ءتارتىبى، وقۋشىلاردىڭ مەكتەپ كيىمىن ءوز ەركىمەن ساتىپ الۋى قاتارلى جاقتاردا مەملەكەتتىڭ، ولكەنىڭ، قالانىڭ ورتا، باستاۋىش مەكتەپتەردىڭ مەكتەپ كيىمىن باسقارۋ تۋرالى بەلگىلەمەلەرىن تياناقتاندىرماعان. وسى جونىندە قالالىق وقۋ - اعارتۋ مەكەمەسى مەكتەپتى دەرەۋ تۇزەتۋگە، مەكتەپ كيىمىن ساتىپ الۋ ءتارتىبىن كەمەلدەندىرۋگە، وقۋشىلاردىڭ مەكتەپ كيىمىن ءوز ەركىمەن ساتىپ الۋى جونىندەگى بەلگىلەمەلەردى قاتاڭ تياناقتاندىرۋعا، قوعامداعىلاردىڭ باقىلاۋىن ىرىقتىلىقپەن قابىلداۋعا بۇيىردى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved