شي جينپيڭ چيليدىڭ زۇڭتۇڭى پينەرامەن تەلەفوندا سويلەستى
2020.12.16 15:39 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 15 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 15 - كۇنى كەشتە چيليدىڭ زۇڭتۇڭى پينەرامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: چيلي − لاتىن امەريكاسى ۇلى قۇرلىعىنداعى جاڭا جۇڭگومەن تۇڭعىش رەت ديپلوماتيالىق قاتىناس ورناتقان ەل، جۇڭگو - چيلي قاتىناسى − جۇڭگونىڭ لاتىن امەريكاسىنداعى ەلدەرمەن ىنتىماقتاسا سەلبەسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسى. بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى جاق ىندەتكە قول ۇستاسا قارسى اتتانىپ، قيىنشىلىقتى بىرگە جەڭىپ، ەكى ەل حالىقتارىنىڭ ءبىر - بىرىنە قارايلاساتىن تەرەڭ سۇيىسپەنشىلىگىن ايگىلەدى. ەكى جاق ديپلوماتيالىق قاتىناس ورناتقان 50 جىلدان بەرگى جۇڭگو - چيلي قاتىناسىنىڭ دامۋ بارىسىن قورىتىندىلاپ، باتىلدىقپەن الدا جۇرەتىن ءداستۇردى ۇزدىكسىز ساۋلەلەندىرىپ، جۇڭگو مەن چيليدىڭ جان - جاقتى ستراتەگيالىق سەرىكتەستىك قاتىناسىنىڭ اناعۇرلىم شۇعىلالى جاڭا ءداۋىرىن اشۋدى ىلگەرىلەتۋى كەرەك.
شي جينپيڭ بىلاي دەپ دارىپتەدى: جۇڭگو جاڭا دامۋ جاعدايىن قالىپتاستىرىپ، رەفورما جاساۋدى، ەسىك اشۋدى اناعۇرلىم جوعارى باستامادا ىلگەرىلەتىپ، چيليدى قامتىعان دۇنيە جۇزىندەگى ەلدەرگە اناعۇرلىم كەڭ بازار جانە دامۋ ورايىن ازىرلەيدى. ەكى جاق دامۋ ستراتەگياسىن ۇشتاستىرۋدى كۇشەيتىپ، ەركىن ساۋدا كەلىسىمىنىڭ دارەجەسىن جوعارىلاتۋدىڭ كومەسكى كۇشىن تولىق اشۋى كەرەك. جۇڭگو چيليدىڭ اۋىل شارۋاشىلىعى، كەن كاسىبى، نەگىزدىك قۇرىلعى قۇرىلىسى سياقتى سالالارعا قارجى قوسۋدى كەڭەيتىپ، عىلىم - تەحنيكادا جاڭالىق جاراتۋ، سيفرلى ەكونوميكا سياقتى سەلبەستىكتىڭ جاڭا ارتۋ تۇيىندەرىن قالىپتاستىرۋدى قالايدى. مادەنيەت، وقۋ - اعارتۋ، دەنساۋلىق ساقتاۋ، جەرگىلىكتى ورىندار، ساياحات سياقتى سالالارداعى اۋىس - كۇيىس پەن سەلبەستىكتى تەرەڭدەتۋ كەرەك. ۆاكسينانى زەرتتەۋ - اشۋ جانە پايدالانۋ سەلبەستىگىن كۇشەيتىپ، چيلي جاقتىڭ ىندەتكە قارسى اتتانۋىنا شامامىزدىڭ جەتىسىنشە قولداۋ كورسەتۋىمىز جانە كومەكتەسۋىمىز كەرەك. باياندى دامۋ، كليمات وزگەرىسىنە توتەپ بەرۋ سياقتى دۇنيە جۇزىلىك كەڭەستىك تاقىرىپتار جونىندە پىكىرلەسۋدى، سايكەسۋدى كۇشەيتىپ، كوپ جاقتىلىق پەن ەركىن ساۋدانى بىرگە قولداۋىمىز كەرەك. چيلي جاقتىڭ جۇڭگو مەن لاتىن امەريكاسىنىڭ جالپى تۇلعالىق سەلبەستىگى جولىندا ۇزدىكسىز بەلسەندى رول اتقارۋىن ءۇمىت ەتەمىن.
پينەرا مىنالاردى ءبىلدىردى: چيلي مەن جۇڭگو ديپلوماتيالىق قاتىناس ورناتقان 50 جىلدان بەرى ەكى جاقتىڭ دوستىعى ۇزاق ۋاقىتتان بەرى بەكەمدەلىپ، ساياسي سەنىمدىلىگى اناعۇرلىم نىعايىپ، ءار سالاداعى سەلبەستىكتە سۇبەلى تابىستارعا قول جەتتى. چيلي جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، ەكونوميكانىڭ ارتۋىن قالپىنا كەلتىرۋ سياقتى جاقتاردا قول جەتكىزگەن ماڭىزدى ستراتەگيالىق تابىستارىن القايدى، ءتوراعا شي جينپيڭ جۇڭگونىڭ كليمات وزگەرىسىنە توتەپ بەرۋدە مەملەكەتتىڭ دەربەس ۇلەس قوسۋداعى جاڭا شارالارىن جاريالاپ، دۇنيە جۇزىنە تىڭ دا ماڭىزدى ۇلەس قوستى. جۇڭگونىڭ «14 - بەسجىلدىق» جوسپاردى جاساپ اتقارۋىنىڭ چيلي جاقتى قامتىعان دۇنيە جۇزىنە اناعۇرلىم زور وراي جاراتاتىنىنا سەنەمىن. چيلي جۇڭگومەن پىكىرلەسۋدى، سەلبەسۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، ءادىل، ەركىن ساۋدا جۇيەسىن بىرگە قورعاپ، باياندى دامۋ جانە كليمات وزگەرىسىنە توتەپ بەرۋ سياقتى كەلەلى كەڭەستىك تاقىرىپتار جونىندە پىكىرلەسۋدى جانە سايكەسۋدى كۇشەيتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى قالايدى. جۇڭگو ۇزاق ۋاقىتتىق بايىرعى وركەنيەتكە جانە ۇزاق بولاشاقتىق ستراتەگيالىق كورەگەندىككە يە، جۇڭگونىڭ دۇنيە ءجۇزىن جونگە سالۋدى كەمەلدەندىرۋ، دۇنيە جۇزىلىك سايىستارعا اناعۇرلىم ويداعىداي توتەپ بەرۋ جولىندا اناعۇرلىم زور ۇلەس قوساتىنىنا سەنەمىن.سول كۇنى ەكى ەلدىڭ مەملەكەت باسشىلارى جۇڭگو مەن چيليدىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن جاڭا باستاما ەتىپ، جۇڭگو مەن چيليدىڭ جان - جاقتى ستراتەگيالىق سەرىكتەستىك قاتىناسىنىڭ ءۇرتىس، ىشكەرىلەي دامۋىن بىرگە ىلگەرىلەتۋگە ءبىر اۋىزدان ماقۇل بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
