بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سانجى وبلىسى اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن الدىمەن ورىندادى

700 مىڭعا تارتا قىستاق تۇرعىنى جارناگەرگە اينالدى

2021.05.26 15:14     كەلۋ قاينارى : شينجياڭ گازەتى


  انار بۇلت / شينجياڭ گازەتىنىڭ ءتىلشىسى گى يوۋجۇن 5 - ايدىڭ 24 - كۇنى سانجىدان حابارلايدى. ”’قىزىل داپتەر‘ بولعاندا جىل سايىن تابىس ۇلەسۋگە بولادى. بۇل جىلدارى وتباسىم تەك تابىس ءبولىسىنىڭ وزىنەن - اق ءار جىلى 10 مىڭ يۋاننان استام كىرىس كىرگىزىپ جاتىر“. 5 - ايدىڭ 19 - كۇنى سانجى قالاسى جۇڭشان جولى ءمالىسى شياۋچۇيزى 1 - قىستاعىنىڭ تۇرعىنى ليۋ شينحۋا قىستاق جارنا ەكونوميكالىق سەلبەستىك كووپەراتيۆىنىڭ جارنا ۇقىق كۋالىگىن ۇستاپ تۇرىپ، تىلشىگە قۋانا وسىلاردى ايتتى.

  ليۋ شينحۋا رەفورما قىستاق تۇرعىندارىن قىستاق كوللەكتيۆى قوجايىنىنا شىنىمەن اينالدىردى ءارى ناقتى يگىلىككە كەنەلتتى دەپ قارايدى ەكەن.

  ”كەزەكتە سانجى وبلىسى بۇكىل شينجياڭدا اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن الدىمەن ورىنداپ، بۇكىل وبلىستا 700 مىڭعا تارتا قىستاق تۇرعىنى اۋىل - قىستاق جارنا ەكونوميكالىق سەلبەستىك ۇيىمىنىڭ جارناگەرىنە اينالدى“، - دەدى سانجى حۇيزۋ اۆتونوميالى وبلىستىق پارتكوم ساياسات زەرتتەۋ كەڭسەسىنىڭ مەڭگەرۋشىسى، رەفورمانى تەرەڭدەتۋ كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى لۋ جىرۇڭ تىلشىگە بىلاي دەدى: 2016 - جىلى سانجى وبلىسى بۇكىل شينجياڭ بويىنشا تۇڭعىش توپتاعى 4 سىناق ءتۇيىنى قىستاعىنىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى مىندەتىن ۇستىنە الىپ، ”مال - مۇلىكتىڭ قۇنى ارتۋ تۇرىندەگى، مال - مۇلىك تابىس ءبولىسى تۇرىندەگى، مال - مۇلىكتى كەڭەيتۋ تۇرىندەگى“ 3 ءتۇرلى رەفورما ۇلگىسىنە ىزدەنىس جاساپ، قالىپتاستىردى. 2017 - جىلى سانجى قالاسى بۇكىل ەلدىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى بويىنشا اۋدان، قالا سىناق ءتۇيىنى مىندەتىن ۇستىنە الىپ، بۇكىل شينجياڭنىڭ، ءتىپتى، بۇكىل ەلدىڭ تۇتاس اۋدان، قالا بويىنشا رەفورمانى ىلگەرىلەتۋىنە ۇلگى ازىرلەدى. 2019 - جىلدان باستاپ، بۇكىل شينجياڭداعى بىردەن - ءبىر رەفورما سىناق ءتۇيىنى رەتىندە، سانجى وبلىسى بۇكىل ەلدىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تۇتاس وبلىس بويىنشا (ايماق، قالا) ىلگەرىلەتۋدەگى سىناق ءتۇيىنى مىندەتىن ۇستىنە الدى. كەزەكتە بۇل تۇردەگى رەفورما قىزمەتى تابىسپەن اياقتادى.

  سانجى وبلىستىق اۋىل شارۋاشىلىعى، اۋىل - قىستاق مەكەمەسىنىڭ ساناق مالىمەتىندە كورسەتىلۋىنشە، قازىرگە دەيىن سانجى وبلىسىنىڭ جالپى اداقتاعان قىستاق كوللەكتيۆ مال - مۇلىك جالپى سوماسى 7 ميلليارد 676 ميلليون يۋان بولىپ، بۇكىل وبلىستاعى 463 اكىمشىلىك قىستاقتا تۇگەلدەي قىستاق جارنا ەكونوميكالىق سەلبەستىك كووپەراتيۆى قۇرىلىپ، سەلبەستىك كووپەراتيۆىنىڭ مۇشەسى 692 مىڭ 800 ادام بولعان.

  2016 - جىلى شياۋچۇيزى 1 - قىستاعى اۆتونوميالى رايوننىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى سىناق ءتۇيىنى قىستاعى بولىپ بەلگىلەندى. قىستاقتا بۇكىل شينجياڭ بويىنشا تۇڭعىش جارنا ەكونوميكالىق سەلبەستىك كووپەراتيۆى قۇرىلىپ، بۇكىل قىستاقتاعى 165 وتباسى، 407 قىستاق تۇرعىنى سەلبەستىك كووپەراتيۆىنىڭ جارناگەرى بولدى. قىستاق پارتيا ياچەيكاسىنىڭ شۋجيى، قىستاق جارنا ەكونوميكالىق سەلبەستىك كووپەراتيۆىنىڭ القا باستىعى ياڭ بيڭرۇڭ بىلاي دەپ تانىستىردى: قىستاق ساۋدا جۇمىس عيماراتى مەن دۇكەندەردى ىسكە قوسۋ، جالعا بەرۋ، شارۋاشىلىق قۇرۋ بازاسىن اشۋ، ازىق - تۇلىك كاسىپ سالاسى باقشاسى شارۋاشىلىعىن جۇرگىزۋ، ت. ب ارقىلى قىستاق كوللەكتيۆ مال - مۇلكىن ەسەلەپ ارتتىرىپ، قىستاق تۇرعىندارىنىڭ تابىس ءبولىسى جىل سايىن ارتتى. 2020 - جىلدىڭ سوڭىندا وسى قىستاقتىڭ جارنا ەكونوميكالىق سەلبەستىك كووپەراتيۆىنىڭ مال - مۇلكى 100 ميلليون يۋاننان اسىپ، ەگىنشىلەردىڭ جان باسىندىق ورتاشا تازا كىرىسى 20 مىڭ يۋانعا جەتىپ، وتباسىلاردىڭ پايدا ءبولىسى 10 مىڭ يۋانعا تايادى.

  ”رەفورما بايلىقتى مال - مۇلىككە، قارجىنى جارناعا، قىستاق تۇرعىندارىن جارناگەرگە اينالدىرىپ، قىستاقتىڭ كوللەكتيۆ شارۋاشىلىق ناقتى قۋاتى ۇزدىكسىز دامىپ، زورايدى ءارى قىستاق پارتيا ۇيىمىنىڭ ۇيىسۋ قۋاتىن بارىنشا كۇشەيتىپ، اۋىل - قىستاقتى گۇلدەندىرۋگە قۋاتتى ىشكى ومىرشەڭدىك كۇش قوستى“، - دەدى ياڭ بيڭرۇڭ.

  لۋ جىرۇڭ بىلاي دەپ تانىستىردى: بىلتىر جىل سوڭىنا دەيىن سانجى وبلىسىنداعى اۋىل - قىستاق جارنا ەكونوميكالىق سەلبەستىك ۇيىمدارىنىڭ پايدا ءبولىسى جيىنى 40 نەشە ميلليون يۋانعا جەتتى. سانجى وبلىسىنىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى نەگىزگى ساتى پارتيا ۇيىمى قۇرىلىسىن كۇشەيتۋمەن، قىستاق كوللەكتيۆ شارۋاشىلىعىن زورايتۋمەن جاسامپازدىقپەن تۇلعالىق ىلگەرىلەپ، ”ءۇش ءبىر تۇلعالانعان“ جۇيەلى شوعىرلاندىرۋ رەفورماسىن قالىپتاستىرىپ، اۋىل - قىستاقتى گۇلدەندىرۋدى جەبەۋگە پارمەندى تىرەك ازىرلەدى. بىلتىر جىل سوڭىندا سانجى وبلىسىنىڭ ”ءۇش ءبىر تۇلعالانعان“ جۇيەلى شوعىرلاندىرۋ رەفورماسىنىڭ اۋىل - قىستاقتى گۇلدەندىرۋگە دەم بەرۋى ”جۇڭگو رەفورماسىنىڭ (2020) جىلدىق 10 ءىرى مىسالىنا“ ەنگىزىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار