لي جانشۋ كۋبا حالىقتىق بيلىك مەملەكەتتىك كونگرەسىنىڭ ءتوراعاسى لاسسومەن كەڭەس وتكىزدى
2021.05.26 16:05 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5 - ايدىڭ 25 - كۇنى بەيجيڭدەگى حالىق سارايىندا بەينە ەكران تاسىلىمەن كۋبا حالىقتىق بيلىك مەملەكەتتىك كونگرەسىنىڭ ءتوراعاسى لاسسومەن كەڭەس وتكىزدى.
لي جانشۋ بىلاي دەدى: جۇڭگو مەن كۋبا − ابزال دوس، تاتۋ جولداس، جاقسى باۋىرلاس. تاياۋدا باس شۋجي، مەملەكەت ءتوراعاسى شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەلمەن تەلەفوندا سويلەسىپ، ەكى پارتيانىڭ، ەكى ەلدىڭ ەرەكشە دوستىق قاتىناسىن ونان ارى تەرەڭدەتۋ، ءار سالاداعى سەلبەستىكتى ىلگەرىلەتۋ جونىندە ماڭىزدى ورتاق تانىمعا كەلدى. جۇڭگو كۋبامەن بىرگە ەكى ەل باسشىلارىنىڭ ورتاق تانىمىن تياناقتاندىرۋدى بەلسەنە ىلگەرىلەتۋدى قالايدى. ساياسي سەنىمدىلىكتى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، سىڭار جاقتىلىققا، قورعامپازدىققا باتىل قارسى تۇرىپ، قيت ەتسە بولدى باسقا ەلدەردى قۇرساۋلاۋ، جازالاۋ، قىسىم ءتۇسىرۋ، تەجەۋ سىندى زورەكەرلىككە قارسى تۇرىپ، ءبىر - بىرىنە ادال دوستىقتى تەرەڭدەتۋ كەرەك. ساۋدا، قارجى قوسۋ، اۋىل شارۋاشىلىعى، جاڭا ەنەرگيا، ساياحات، بيولوگيالىق ءدارى جاساۋ سياقتى سالالارداعى جانە ىندەتكە قارسى اتتانۋ جاعىنداعى سەلبەستىكتى كۇشەيتىپ، اناعۇرلىم كوپ ناقتى تابىستارعا قول جەتكىزۋ كەرەك.
لي جانشۋ مىنالاردى اتاپ كورسەتتى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، تاريحي تابىستارعا قول جەتكىزىپ، بۇكىل ەل حالقىنىڭ شىن جۇرەكتەن قولداۋىنا يە بولۋىنداعى سەبەپ، ءبىرىنشى، مۇرات - سەنىمدە باستان - اياق تاباندى بولىپ، اۋەلگى ماقساتتان، بورىشتان جازباي، جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەپ، جۇڭگونىڭ دامۋىنىڭ، العا باسۋىنىڭ تىرەگى بولدى. ەكىنشى، نازاريالىق قۇرىلىسقا باستان - اياق ءمان بەردى. جۇڭگوشا سوتسياليزم جاڭا داۋىرگە ءوتتى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇڭگو جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزۋدە. ءۇشىنشى، شىندىقتى ءىس جۇزىنەن ىزدەۋدە، بارلىق ىستە ءىس جۇزىندىكتى شىعار ءتۇيىن ەتۋدە باستان - اياق تاباندى بولىپ، ءوز ەلىنىڭ ءىس جۇزىندىك جاعدايىنا ساي، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇردى. ءتورتىنشى، وزىندىك قۇرىلىسقا باستان - اياق وسكەلەڭ ءمان بەرىپ، وزىندىك توڭكەرىس جاساۋ رۋحىن جالعاستىرىپ، باستان - اياق ءداۋىردىڭ الدىڭعى لەگىندە جۇرەتىن، ءتۇرلى داۋىلداردىڭ سىنىنان سۇرىنبەي وتەتىن ماركسيزمدىك بيلىكتى پارتياعا اينالدى.
لي جانشۋ مىنالاردى دارىپتەدى: جۇڭگو مەملەكەتتىك حالىق قۇرىلتايى كۋبا مەملەكەتتىك حالىق كونگرەسىمەن اۋىس - كۇيىستى، سەلبەستىكتى ۇزدىكسىز كۇشەيتىپ، زاڭ شىعارۋ قۇرىلىمدارىنىڭ باسشىلارى، ارناۋلى كوميتەتتەر، دوستىق گرۋپپالار، ۋاكىلدەر اراسىنداعى اۋىس - كۇيىستى كەڭەيتۋدى قالايدى. ەكى جاقتىڭ ەكونوميكا - ساۋدا بارىس - كەلىسى مەن كاسىپورىنداردىڭ قارجى قوسۋ سەلبەستىگىنە تاماشا ساياسات جانە زاڭدىق ورتا ازىرلەپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىنىڭ تياناقتانۋىن ىلگەرىلەتۋ كەرەك. دەموكراتيا، زاڭمەن جونگە سالۋ قۇرىلىسى، كەدەيلەردى ازايتۋ جانە وركەندەتۋ سياقتى كەڭەستىك تاقىرىپتار جونىندە تاجىريبە اۋىستىرۋدى كۇشەيتىپ، كەلەلى حالىقارالىق جانە وڭىرلىك ماسەلەلەردە تىعىز قاتىناستى جالعاستىرىپ، ەكى ەلدىڭ جانە وركەندەپ كەلە جاتقان ەلدەردىڭ مۇددەسىن بىرگە قورعاۋ كەرەك.
لاسسو بىلاي دەدى: كۋبا مەن جۇڭگونىڭ دوستىعى ۇزاق ۋاقىتتان بەرى جاڭالانىپ، سىن - سىناقتى باستان كەشىرىپ، ۇزدىكسىز دامىپ كەلەدى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. كۋبا ءبىر جۇڭگو پرينسيبىندە تاباندى بولىپ، جۇڭگونىڭ ىشكى ىسىنە كيلىگەتىن ءارقانداي ارەكەتكە قارسى تۇرادى. كۋبا حالىقتىق بيلىك مەملەكەتتىك كونگرەسى جۇڭگو مەملەكەتتىك حالىق قۇرىلتايىمەن اۋىس - كۇيىستى كۇشەيتىپ، كۋبا - جۇڭگو قاتىناسىنىڭ دامۋىن جانە ءار سالاداعى سەلبەستىكتى بار كۇشپەن ىلگەرىلەتۋدى قالايدى. لاسسو كۋبا كوممۋنيستىك پارتياسىنىڭ 8 - قۇرىلتايىنا قاتىستى جاعدايلاردى تانىستىردى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى جي بيڭشۋان كەڭەسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
