اقسۋ ايماعى:
1500دەن استام كاسىپورىن 12 ۇلكەن باقشا رايونىنا ىرگە تەپتى
انار بۇلت / شينجياڭ گازەتىنىڭ تىلشىلەرى ءپاريزات ابدۇل، ءرايدا
2021.12.29 17:05 كەلۋ قاينارى : شينجياڭ گازەتى
”توقىماشىلىق جابدىعى بولشەكتەرى، اۋىل شارۋاشىلىعىنا پايدالاناتىن ماشينا سياقتى جەڭىل ونەركاسىپ مەتال بۇيىمدارىمەن اينالىسۋ العاشقى قادام. بولاشاقتا ’بازار قۇرۋ، كاسىپ سالاسىن ەنگىزۋ، جۇمىستاندىرۋدى جەبەۋ‘ ارقىلى اقسۋدىڭ توقىماشىلىق ونەركاسىپ بازارىنداعى جاساۋ كاسىبىن دامىتۋعا دەم بەرەمىز“، - دەدى 12 - ايدىڭ 27 - كۇنى اقسۋ جەڭىل ونەركاسىپ مەتال بۇيىمدار بازارىنا ىرگە تەپكەن اقسۋ كاڭشىڭ بازار باسقارۋ شەكتى جاۋاپكەرشىلىك سەرىكتەستىگىنىڭ باس ديرەكتورى حۋ حۇڭلياڭ.
اقسۋ توقىماشىلىق ونەركاسىبى بازارى ىشىندەگى اقسۋ جەڭىل ونەركاسىپ مەتال بۇيىمدار بازارىنا بارساڭىز اۆتوكولىككە قويىپ قوياتىن ءتۇرلى تەرموس شاۋگىم، كۇندەلىكتى قولداناتىن قۇلىپ، اسحانا جابدىقتارى، اۆتوكولىكتىڭ ۇساق جانە كەسەك بولشەكتەرى، سپورتتىق دەنە شىنىقتىرۋ اسپاپتارى، اۋىل شارۋاشىلىعىنا پايدالاناتىن ماشينا جابدىقتارى سياقتىلاردىڭ دەرلىك بار ەكەندىگىن كورەسىز.
”بۇل نىسان اقسۋ توقىماشىلىق ونەركاسىبى بازارىنىڭ كوپ نەگىزدى دامۋىنا جاڭا قوزعاۋشى قۋات قوسادى“. اقسۋ توقىماشىلىق ونەركاسىبى بازارى ەكونوميكانى دامىتۋ مەكەمەسىنىڭ باستىعى ۋاڭ جىچاۋ بىلاي دەپ تانىستىردى: كەزەكتە اقسۋ جەڭىل ونەركاسىپ مەتال بۇيىمدار بازارىنىڭ 1 - مەرزىمدىك قۇرىلىسى نەگىزىنەن اياقتادى، جىلدىق ساۋدا سوماسى 500 ميلليون يۋان بولىپ، 1000نان استام ادامنىڭ جۇمىستانۋىن شەشىم ەتەدى دەپ مەجەلەنۋدە.
مۇنان سىرت، توقىماشىلىق ونەركاسىبى بازارى تاعى 3000 مۋلىق جابدىق جاساۋ باقشاسىن جوبالادى، ليفت جاساۋ، زەردەلى جول شىراعى سياقتى جاساۋ كاسىبى نىساندارىنا الدەقاشان قول قويىلىپ تياناقتاندىرىلدى.اقسۋ توقىماشىلىق ونەركاسىپ بازارى اقسۋ ايماعىنداعى 12 ونەركاسىپ باقشا رايونىنىڭ ءبىرى. قازىرگە دەيىن، 12 ۇلكەن باقشا رايونىنا ىرگە تەپكەن جالپى كاسىپورىن 1533كە جەتتى، مۇنىڭ ىشىندە ونەركاسىپ كاسىپورىندارى 1001، بيىل جىل باسىنان بەرى كاسىپ سالاسىن كەڭەيتۋ نىسانىنان 35ى تىڭنان ارتتى، تەحنيكا جاڭالاۋ نىسانىنان 19ى تىڭنان ارتتى.
2021 - جىلدان بەرى اقسۋ ايماعى ”نىسانداردى كاسىپ سالالاندىرۋ، كاسىپ سالاسىن باقشالاندىرۋ، باقشا رايونىن شوعىرلاندىرۋ“ سىندى دامۋ وي جەلىسى بويىنشا، باقشا رايونىن ايماقتىڭ ەكونوميكالىق دامۋىنداعى ماڭىزدى ارتۋ ۇيەگى جانە نەگىزگى قوزعالتقىشى ەتىپ قۇرىپ، باقشا رايونىنىڭ ەكونوميكاسىندا ورنىقتى ارتۋ جاعدايى جارىققا شىقتى. ءتىلشىنىڭ اقسۋ ايماقتىق ونەركاسىپ جانە ينفورماتسيالاندىرۋ مەكەمەسىنەن ۇعىسۋىنا قاراعاندا، 1 - ايدان 11 - ايعا دەيىن، اقسۋ ايماعىنداعى 12 ۇلكەن باقشا رايونىنىڭ جالپى ءونىم قۇنى 89 ميلليارد 970 ميلليون يۋان بولعان. مۇنىڭ ىشىندە، ونەركاسىپتىڭ جالپى ءونىم قۇنى 68 ميلليارد 941 ميلليون يۋان، ونەركاسىپتىڭ ارتقان قۇنى 23 ميلليارد 432 ميلليون يۋان بولىپ، بىلتىرعى سايكەس مەزگىلدەگىدەن 5 ميلليارد 560 ميلليون يۋان ارتقان.
مۇنان سىرت، ءارقايسى باقشا رايونىنىڭ جوعارى ساپالى دامۋىن ىلگەرىلەتۋ ءۇشىن، اقسۋ ايماعى ”تومەنگە بەرۋ، باسقارۋ، قىزمەت وتەۋ“ رەفورماسىن ءۇرتىس تەرەڭدەتىپ، شارۋاشىلىق - ساۋدا ورتاسىن جالپى بەتتىك ساپالىلاندىرىپ، باقشاعا ىرگە تەپكەن كاسىپورىنداردىڭ قالىپتى اينالىمىن قامتاماسىز ەتتى.
اقسۋ ساۋدا - زات اينالىمى كاسىپ سالاسى باقشاسىنا ورنالاسقان حاييۋان زات اينالىمى ساۋدا بازارى زات اينالىمى، قامبادا ساقتاۋ، كورمەگە قويۋ - ساۋدالاۋ، تاسىمالداۋ - جەتكىزۋ، ساۋدا - ساتتىق كەشەندى عيماراتى سياقتىلاردى ءبىر تۇلعالاندىرعان جالپىلىق سيپاتتى نىسان. ”كەزەكتە، جەمىس - جيدەك ونىمدەرى ساۋدا بازارى، 8 سۋىق ساقتاۋ قامباسى، اۆتوكولىك بولشەكتەرى بازارى جانە سايكەستى قۇرىلعىلار الدەقاشان پايدالانۋعا بەرىلدى. مۇندا جەرگىلىكتى ورىننىڭ كاسىپورىندارعا ينفورماتسيا قامتاماسىزدىعىن جانە قىزمەت وتەۋ تىرەگىن ازىرلەگەندىگىنە، اسىرەسە، جۇمىسكەر ىستەتۋ جاعىندا كورسەتكەن كومەگىنە العىس ايتامىز، وسىنىڭ ارقاسىندا نىسان ءساتتى قۇرىلىپ وندىرىسكە قوسىلدى“، - دەدى اقسۋ قالاسى حاييۋان زات اينالىمى شەكتى سەرىكتەستىگىنىڭ ورىنباسار باس ديرەكتورى جاۋ چياڭ.
الداعى جەردە، اقسۋ ايماعى ناقتى قۋاتى بار ونەركاسىپ كاسىپورىندارىن ءارقايسى باقشا رايوندارىنا ىرگە تەبۋگە بەلسەنە باۋراپ، كاسىپ سالاسىنىڭ شوعىرلانا دامۋىن ىلگەرىلەتىپ، 2022 - جىلدىڭ سوڭىنا دەيىن 12 ۇلكەن باقشا رايونىنىڭ جالپى ءونىم قۇنىن 140 ميلليارد يۋانعا جەتكىزۋگە كۇش سالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
