شينجياڭدا كوپتەگەن جەرلەر ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
ەڭبەكشىلەردىڭ ابىرويلى ەڭبەك ىستەۋىن جۇزەگە اسىرۋدىڭ ءوزى ادامدىق ۇقىقتى قۇرمەتتەگەندىك جانە قامتاماسىز ەتكەندىك
2021.12.29 17:10 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاۋ شييا 12 - ايدىڭ 27 - كۇنى ۇرىمجىدەن حابارلايدى. 12 - ايدىڭ 26 - كۇنىنەن 27 - كۇنىنە دەيىن بايىنعولين موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسى، التاي ايماعى، تارباعاتاي ايماعى ىركەس - تىركەس ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى، تۇرلىشە سالادان كەلگەن ەڭبەكشىلەر ءوز ەركىمەن ەڭبەكتەنگەن، ەركىن كاسىپ تاڭداعان، ءوز كۇشىنە سۇيەنىپ شارۋاشىلىق قۇرعان حيكايالارىن بايانداپ، امەريكاداعى، باتىستاعى جۇڭگوعا قارسى كۇشتەر ويدان شىعارعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن جالعان سوزگە شىندىق ارقىلى تويتارىس بەردى.
بايىنعولين وبلىسىندا اشىلعان اڭگىمە ماجىلىستە 9 جۇمىسشى - قىزمەتكەر، شارۋا ۋاكىلى قاجىرلىلىقپەن ەڭبەكتەنىپ بايىعان ءتول كەشىرمەلەرىمەن جانە كورگەن - بىلگەندەرىمەن بىرلەستىرىپ، ەڭبەكتىڭ تىرشىلىكتىڭ نەگىزى، دامۋدىڭ نەگىزى، باقىتتىڭ قاينارى ەكەندىگى سىندى اقيقاتتى، ەڭبەكشىلەردىڭ ابىرويلى ەڭبەك ىستەۋىن جۇزەگە اسىرۋدىڭ ءوزى ادامدىق ۇقىقتى قۇرمەتتەگەندىك جانە قامتاماسىز ەتكەندىك ەكەندىگىن جاندى باياندادى.
”وتباسىمىزدىڭ ماقتا ەككەنىنە 31 جىل بولدى، قولمەن جيناپ - تەرۋدەن ماشينامەن جيناپ الۋعا دەيىنگى ءبىزدىڭ تاماشا تۇرمىسىمىز ماقتادان ايرىلا المايدى، ماقتا وتباسىمىزدىڭ ’بايۋ گۇلى‘ بولدى“. بۇگۇر اۋدانى قاراباق اۋىلىنىڭ ماقتاشىسى ادىل وشۇر بيىل 264 مۋ جەردەگى ماقتاسىنىڭ ءىرى تۇرپاتتى ماقتا تەرۋ ماشيناسىمەن ءبىر - اق كۇندە تۇگەلدەي تەرىلىپ جينالىپ بولعاندىعىن، بۇنىڭ ۋاقىتتى، كۇشتى ۇنەمدەۋمەن بىرگە، شىعىندى دا ازايتقاندىعىن ايتتى. ”ءبىز ءوز كۇشىمىزبەن، ءوز ەركىمىزبەن، ءوز قالاۋىمىزبەن ەڭبەك ىستەيمىز، ءوزىنىڭ ءۇيى ءۇشىن جۇمىس ىستەۋدى ’زورلىق‘ دەۋگە بولا ما؟ ايتىلمىس ’زورلىقپەن ەڭبەككە سالۋ‘ بارىپ تۇرعان ساندىراق“!
ەڭبەك ەڭ داڭقتى، كۇرەس جاساۋ ەڭ باقىت. ۇلۇقشات اۋدانى وقسالۇر اۋىلى وقسالۇر قىستاعىنىڭ تۇرعىنى روزى مامەتقاسىم بۇرىن قوي باعۋدان قازىر تاعامجاي اشقانعا دەيىن، ءوزى شارۋاشىلىق قۇرۋدان ماڭىنداعىلاردى بىرگە كىرىسىن ارتتىرىپ بايۋعا باستاعانعا دەيىن اي سايىن كىرىسى 10 مىڭ يۋاننان اسىپ، بولاشاق تۇرمىسىنا مىعىم سەنىم ارتتى. روزى ۇزدىكسىز قۇلشىنۋ مەن كۇرەس جاساۋ ارقىلى اۋدان قالاشىعىنان ءۇي، تاعى جەكە اۆتوكولىك ساتىپ الىپ، وتباسى تۇرمىسى بارعان سايىن شالقىعاندىعىن ايتتى.
التاي قالاسى جينشۋە اسىل تۇقىمدى جىلقى جەتىلدىرۋ شەكتى سەرىكتەستىگىنىڭ باس ديرەكتورى مۇسا قاسەننىڭ قاراۋىنشا، ەڭبەكپەن باقىتتى تۇرمىسقا جەتىپ عانا قويماي، ءوز قۇنىن دا جۇزەگە اسىرۋعا بولادى. ول ايتىلمىس ”زورلىقپەن ەڭبەككە سالدى“ دەگەن وسەك - اياڭدى تۋدىرۋشىلاردىڭ، ەڭ سوڭىندا، شىندىق الدىندا قارا بەت بولاتىندىعىن، ءوزىنىڭ جانە ۇجىمىنداعىلاردىڭ جىلقى كاسىبى سالاسىن ۇزدىكسىز دامىتۋعا، زورايتۋعا سەنىمى بەكەم ءارى قابىلەتى جەتەتىندىكتەرىن ءبىلدىردى.
تارباعاتاي ايماعىنداعى كاسىپورىن جۇمىسشىلارىنىڭ، شارۋالاردىڭ ۋاكىلدەرى تۋى ايقىن تۇردە مىنانى ءبىلدىردى: قاجىرلى قوس قولىمەن باقىتتى تۇرمىس جاراتۋ از ۇلتتاردى قامتىعان شينجياڭداعى ءار ۇلت ەڭبەكشىلەرىنىڭ نەگىزگى ۇقىعى، سونداي - اق ءار ۇلت ەڭبەكشىلەرىنىڭ ورتاق تالپىنىسى. فاكت پەن شىندىق الدىندا امەريكاداعى، باتىستاعى جۇڭگوعا قارسى كۇشتەر قانشا زور زەيىن - زەردەسىن جۇمساپ وسەك - اياڭ تۋدىرعانىمەن، ولاردىڭ سۇرقيا قاسكۇنەمدىگى، ءسوز جوق، جەڭىلىسپەن تىنادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
