جۇڭگونىڭ ىشكى ىسىنە كيلىككەن ”زاڭ جوبا“ ءبىر پاراق كەرەكسىز قاعاز
− رايونىمىزدىڭ وقۋ - اعارتۋ قىزمەتكەرلەرى امەريكانىڭ شينجياڭعا ساياتىن ايتىلمىس ”زاڭ جوباسىنا“ قول قويىپ، زاڭعا اينالدىرعاندىعىن قاتاڭ جازعىردى جانە وعان باتىل قارسى تۇردى
□ انار بۇلت / شينجياڭ گازەتىنىڭ ءتىلشىسى جاۋ شييا
2021.12.29 17:09 كەلۋ قاينارى : شينجياڭ گازەتى
جەرگىلىكتى ۋاقىت 12 - ايدىڭ 23 - كۇنى امەريكا شىندىقپەن ساناسپاي، ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويىپ، زاڭعا اينالدىردى. رايونىمىزدىڭ وقۋ - اعارتۋ قىزمەتكەرلەرى مۇنى قاتاڭ جازعىراتىندىعىن، وعان باتىل قارسى تۇراتىندىعىن ءبىلدىردى ءارى وزدەرىنىڭ ءتول كەشىرمەلەرى، اسەرلەرى ارقىلى، شىندىق جانە ساندى مالىمەتتەر ارقىلى ەكپىندى سوزبەن امەريكا جاقتىڭ وسەك - اياڭىنا تويتارىس بەردى.
”وسى ايتىلمىس ’زاڭ جوبا‘ شينجياڭدا ’زورلىقپەن ەڭبەككە سالۋ‘ ءومىر ءسۇرىپ وتىر دەگەن وسەك - اياڭدى ويدان قۇراستىردى، ءمانى − ادامدىق ۇقىقتى جەلەۋ ەتىپ، جۇڭگونىڭ ىشكى ىسىنە دورەكىلىكپەن كيلىگۋ، بۇل امەريكا جاقتىڭ جالعان ادامدىق ۇقىعىن، شىن مانىندە زورلىقشىل، وتىرىك كوڭىل بولەتىن، شىن مانىندە بۇلدىرەتىن سۇرقيا نيەتىن ايپاراداي اشىپ كورسەتتى“. شينجياڭ شىفان داشۋەسى تاريح جانە قوعام شۋەيۋانىنىڭ دوتسەنتى باحتى بىلاي دەدى: شينجياڭنىڭ ەڭبەكپەن جۇمىستانۋدى قامتاماسىز ەتۋ ساياساتى جانە ونىڭ امالياتى جۇڭگونىڭ نەگىزگى زاڭى رۋحىنا ۇيلەسەدى، حالىقارالىق ەڭبەكشىلەر جانە ادامدىق ۇقىق ولشەمىنە ۇيلەسەدى، مۇنان دا ماڭىزدىسى، شينجياڭداعى ءار ۇلت حالقىنىڭ تاماشا تۇرمىسقا كەنەلۋ كۇشتى تىلەگىنە ساي كەلەدى، حالىق تۇرمىسىنا ءتيىمدى، حالىق تىلەگىنە ساي كەلگەن، حالىق قالاۋىنان شىققان. امەريكا ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويىپ زاڭعا اينالدىردى ءارى شينجياڭعا قاتىستى ونىمدەردى يمپورت ەتۋگە تيىم سالدى، مۇنىسى شىندىقتىڭ جاي - جاپسارىمەن ساناسپاعاندىق، بازار پرينسيبىنە جانە دۇنيە جۇزىلىك ساۋدا ۇيىمى ەرەجەسىنە بۇكىلدەي قايشى كەلگەندىك، قالىپتى حالىقارالىق ساۋدا ءتارتىبىن اۋىر بۇلدىرگەندىك.
قىزمەت ىستەگەن تالاي جىلدان بەرى اقسۋ ايماقتىق وقۋ - اعارتۋ مەكەمەسى وقۋشىلار ءبولىمىنىڭ ورىنباسار باستىعى گۇليار ءومار كاسىپتىك وقۋ - اعارتۋدى ورىستەتۋ، جۇمىستانۋدى، شارۋاشىلىق قۇرۋدى جەبەۋ قىزمەتى بارىسىندا تالايلاعان وقۋشىنىڭ تەحنيكانى، شەبەرلىكتى مەڭگەرۋ ارقىلى تاعدىرلارىن وزگەرتىپ، تاماشا تۇرمىس جاراتقان جاندى مىسالدارىنا كۋا بولدى. ”شينجياڭدا ءار ۇلت ەڭبەكشىلەرى تەڭ، ەرىكتى بولۋ پرينسيبى بويىنشا، كاسىپورىندارمەن ەڭبەك توقتامىنا زاڭ بويىنشا قول قويىسىپ، ءتيىستى ەڭبەكاقىلارىن الدى، ولار جۇمىستانۋ ورنىن تاڭداۋدا دا بۇكىلدەي ەرىكتى بولدى. امەريكانىڭ ايتىلمىس ’زورلىقپەن ەڭبەككە سالدى‘ دەگەنى قايدان شىققان؟ ’زاڭ جوباعا‘ ەنگىزگەن فاكت نەگىزى سوندا نە؟ جۇڭگونىڭ ىشكى ىسىنە كيلىككەن ايتىلمىس ’زاڭ جوبا‘ ءبىر پاراق كەرەكسىز قاعاز“، - دەدى گۇليار كەكتەنىپ.
شىندىق وسەك - اياڭنىڭ ەڭ كۇشتى تالقانداۋشىسى. ”ءبىز ەڭبەك تاربيەسى ارقىلى داشۋە وقۋشىلارىن داڭقتى ەڭبەكشىلەر ەتىپ جەتىلدىردىك“. شينجياڭ اۋىل شارۋاشىلىق داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى چي چۇنگاۋ بىلاي دەپ تانىستىردى: مەكتەپ وقۋ بىتىرگەن وقۋشىلاردىڭ جۇمىستانۋ ساياساتىنا قىزمەت وتەۋ پۋنكتىن قۇرىپ، ساياساتتان كەڭەس الۋعا ەگجەي - تەگجەيلى قىزمەت وتەۋ ورىستەتىپ، وقۋشىلاردىڭ كەلگەن جەرى، جەكەلىك ەرەكشەلىگى، كاسىپ ەرەكشەلىگى، جۇمىستانۋ تىلەگى سياقتىلار بويىنشا تۇرگە ايىرىپ جەتەكشىلىك ەتىپ جانە كومەكتەسىپ، قىزمەت وتەۋ تۇعىرىن قۇرىپ، جۇمىستاندىرۋ بويىنشا ەكى جاقتىڭ تاڭداۋ جينالىسىن وتكىزدى. بىلتىردان بەرى ءتۇرلى قىزمەتكەر قابىلداۋ جينالىسىنان 482سىن وتكىزىپ، 93 مىڭ جۇمىستانۋ ورنىمەن قامداپ، وقۋ بىتىرگەن وقۋشىلاردىڭ جۇمىستانۋدى جۇزەگە اسىرۋىنا كومەكتەستى. تاياۋ 5 جىلدا مەكتەپتىڭ جاڭالىق اشۋ، شارۋاشىلىق قۇرۋ نىساندارىنان 2000نان استامى بەكىتۋدەن ءوتىپ، 10 ميلليون يۋانعا جۋىق كومەك قارجىعا يە بولدى.
شينجياڭ مەديتسينا داشۋەسى ۇيعۇر شيپاگەرلىگى شۋەيۋانى پارتيا باس ياچەيكاسىنىڭ ورىنباسار شۋجيى، باستىعى كۇرەش يۇنۇس بىلاي دەدى: بۇگىنگى شينجياڭ تىنىش، ىنتىماقتى، كوركەيىپ - گۇلدەنگەن، دامىعان، ءار ۇلت بۇقاراسىنىڭ تابىس سەزىمى، باقىت سەزىمى جانە حاۋىپسىزدىك سەزىمى كورنەكتى جوعارىلاعان. ءارقانداي سىرتقى كۇش شينجياڭداعى ءار ۇلت حالقىنىڭ تاماشا تۇرمىسقا تالپىنعان بەرىك قادامىنا بوگەت بولا المايدى، جۇڭگونىڭ ۇزدىكسىز دامىپ، زورايعان تاريحي جاعدايىنا ءتىپتى دە بوگەت بولا المايدى. ول امەريكا جاققا بىلاي دەپ قاتاڭ ەسكەرتتى: شينجياڭنىڭ كوركەيىپ - گۇلدەنۋىن، دامۋىن ءبۇلدىرۋدى ماقسات ەتكەن ءارقانداي قاسكۇنەمدىك جانە ءىس - ارەكەت تەك قانا ءوز تۇبىنە ءوزى جەتەدى، ماسقارالىققا قالدىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
