بۇدان بىلاي شەكارادان كىرىپ - شىققاندا دەنساۋلىق جاعدايىن بايانداۋ كەستەسىن تولتىرۋدىڭ قاجەتى جوق
2023.11.01 15:41 كەلۋ قاينارى : حالىق تورابى
كەدەن باس مەكەمەسىنىڭ 10 - ايدىڭ 31 - كۇنى جاريالاعان ۇقتىرۋىنا قاراعاندا، «جۇڭحۋا حالىق رەسپۋبليكاسىنىڭ مەملەكەت شەكاراسىندا دەنساۋلىق تەكسەرۋ، كارەنتيندەۋ زاڭىنا» جانە ونىڭ اتقارىلاتىن ەگجەي - تەگجەيلى ەرەجەسىندەگى قاتىستى بەلگىلەمەلەرگە ساي، كەدەن باس مەكەمەسى 2023 - جىلى 11 - ايدىڭ 1 - كۇنى ساعات نولدەن باستاپ، شەكارادان كىرىپ - شىققاندارعا «جۇڭحۋا حالىق رەسپۋبليكاسىنىڭ شەكارادان كىرىپ - شىققانداردىڭ دەنساۋلىق جاعدايىن بايانداۋ كەستەسىن» تولتىرتپاۋدى ماقۇلدادى، الايدا، قىزۋى ورلەۋ، جوتەلۋ، تىنىس الۋى قيىنداسۋ، لوقسۋ، ءىشى ءوتۋ، بورتكەن شىعۋ، بەلگىسىز سەبەپتەرمەن تەرى استى قاناۋ قاتارلى جۇقپالى اۋرۋ بەلگىلەرى بايقالعان نەمەسە جۇقپالى اۋرۋى بار دەگەن دياگنوز قويىلعان ادامداردىڭ ىرىقتىلىقپەن كەدەن مەكەمەسىنە دەنساۋلىق جاعدايىن بايانداۋى ءارى كەدەن مەكەمەسىنە سايكەسىپ، دەنە تەمپەراتۋراسىن ولشەۋ، ەپيدەميولوگيالىق تەكسەرۋ جۇرگىزۋ، مەديتسينالىق ءبىر - بىرلەپ اداقتاۋ، ۇلگى الىپ تەكسەرۋ قاتارلى كارانتيندەۋ قىزمەتىن ويداعىداي ىستەۋى كەرەك. ەگەر دەنساۋلىق جاعدايىن جاسىرعان نەمەسە كارانتيندەۋدەن جالتارعان بولسا، سايكەستى زاڭدى جاۋاپكەرشىلىك ارقالايدى؛ وسىنىڭ سالدارىنان جۇقپالى اۋرۋدىڭ تارالۋىن تۋدىرسا نەمەسە اۋىر دارەجەدە تارالۋ حاۋپىن تۋدىرسا، سايكەستى قىلمىستىق ىستەر جاۋاپكەرشىلىگىن ارقالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
