كانادا ۇكىمەت تەلەفونىندا ۋيشيننان پايدالانۋعا تيىم سالدى، سىرتقى ىستەر مينيسترلىگى بۇل ءجونسىز قىسىم جاساۋ ەكەنىن ايتتى
2023.11.01 15:43 كەلۋ قاينارى : حالىق تورابى
10 - ايدىڭ 31 - كۇنى، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين كەزەكتى تىلشىلەر ءماجىلىسىن باسقارىپ اشتى.
تىلشىلەر ماجىلىسىندە ءبىر ءتىلشى بىلاي دەپ سۇرادى: كانادا كەشە حاۋىپسىزدىكتى جەلەۋ ەتىپ، كانادانىڭ ۇكىمەتتىك زەردەلى قولفوندارىندا ۋيشيننان پايدالانۋعا تيىم سالدى، سىرتقى ىستەر مينيسترلىگى بۇل جونىندە قانداي جاۋاپ قايتارادى؟
ۋاڭ ۋىنبين مىنانى ءبىلدىردى: ۋيشين — حالىق باسقارۋىنداعى كاسىپورىن ىسكە قوسقان الەۋمەتتىك جەلىدەگى تەكشە، جۇڭگو ۇكىمەتى قاشان دا جۇڭگو كاسىپورىندارىنان شەتەلدە ساۋدا ىستەگەندە جەرگىلىكتى ورىننىڭ زاڭ - تۇزىمدەرىنە قاتاڭ بويسۇنۋدى تالاپ ەتەدى، كانادا ۇكىمەتىنىڭ ەشقانداي شىن ىسپاتسىز جاعدايدا، ساندى مالىمەت حاۋىپسىزدىگىن قورعاۋ دەگەن جەلەۋمەن جۇڭگو كاسىپورىندارىنا باعىتتالعان تيىم سالۋ بۇيرىعىن شىعارۋى مەملەكەت حاۋىپسىزدىگى ۇعىمىن اسىرا قولدانۋدىڭ، مەملەكەت قۋاتىن الباتى پايدالانۋدىڭ، بەلگىلى مەملەكەتتەردىڭ كاسىپورىندارىنا ءجونسىز قىسىم جاساۋدىڭ تيپتىك تۇرىنە جاتادى، جۇڭگو جاق بۇعان باتىل قارسى تۇرادى. كانادا جاقتىڭ يدەولوگيالىق سىڭار جاقتى كوزقاراستان ارىلىپ، بازارداعى ەكونوميكالىق پرينسيپكە بويسۇنۋىن، جۇڭگو كاسىپورىندارىنا ءادىل، ادىلەتتى، كەمسىتۋگە ۇشىرامايتىن ساۋدا ورتاسىن جاراتۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
