ورتالىقتىڭ فينانس قىزمەتى ءماجىلىسى بەيجيڭدە وتكىزىلدى
شي جينپيڭ، لي چياڭ ماڭىزدى ءسوز سويلەدى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى
2023.11.01 16:24 كەلۋ قاينارى : حالىق تورابى
 |
10 – ايدىڭ 30 – كۇنىنەن 31 – كۇنىنە دەيىن ورتالىقتىڭ فينانس قىزمەتى ءماجىلىسى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
■ فينانس − حالىق شارۋاشىلىعىنىڭ قان تامىرى، مەملەكەتتىڭ وزەكتى باسەكەلىك قۋاتىنىڭ ماڭىزدى قۇرامداس بولەگى، فينانستا قۇدىرەتتى ەل قۇرۋدى جەدەلدەتىپ، فينانستى باقىلاۋ - باسقارۋدى جاپپاي كۇشەيتىپ، فينانس ءتۇزىلىسىن كەمەلدەندىرىپ، فينانستىق قىزمەت وتەۋدى ساپالىلاندىرىپ، حاۋىپ - قاتەردەن ساقتانىپ جانە ونى شەشىپ، جۇڭگوشا فينانستى دامىتۋ جولىمەن بۇلجىماي ءجۇرىپ، ەلىمىز فينانسىنىڭ ساپالى دامۋىن ىلگەرىلەتۋ كەرەك، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى تىرەك ازىرلەۋ كەرەك
■ پارتيا 18 - قۇرىلتايىنان بەرى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، فينانس جۇيەسى ەكونوميكالىق، قوعامدىق دامۋدىڭ جالپى جاعدايىنا پارمەندى تىرەك بولىپ، ەلەۋلى حاۋىپ - قاتەردەن ساقتانۋ جانە ونى جويۋدەن قامال الۋ شايقاسىن باتىل ويداعىداي جۇرگىزىپ، دەر كەزىندە جاپپاي دوڭگەلەك داۋلەتتى قوعام ورناتۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا ماڭىزدى ۇلەس قوستى. پارتيا ورتالىق كوميتەتى ماركسيزمدىك فينانس نازارياسىن زامانىمىزداعى جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، جاڭا داۋىردەگى فينانستىڭ دامۋ زاڭدىلىعىن قۇلشىنا يگەرىپ، ەلىمىزدىڭ فينانس ىستەرىندە امالياتتا، نازاريادا، تۇزىمدە جاڭالىق اشۋدى ۇزدىكسىز ىلگەرىلەتىپ، جۇڭگوشا فينانستى دامىتۋ جولىن قۇلشىنا اشىپ، پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىندا تاباندى بولىپ، مىنالاردى دارىپتەدى: حالىقتى وزەك ەتكەن قۇن بەتالىسىندا تاباندى بولىپ، فينانستىڭ ناقتى ەكونوميكاعا قىزمەت وتەۋىن ءتۇبىرلى ماقسات ەتۋدە، حاۋىپ - قاتەردەن ساقتانۋدى فينانس قىزمەتىنىڭ ماڭگىلىك تاقىرىبى ەتۋدە، بازارلاندىرۋ، زاڭمەن جونگە سالۋ ارناسىندا فينانستا جاڭالىق اشا دامۋدى ىلگەرىلەتۋدە، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدە، فينانستى اشىق ۇستاۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباۋ كەرەك. وسى امالياتتىق جەتىستىكتەر، نازاريالىق جەتىستىكتەر وڭاي - وسپاق قولعا كەلگەن جوق
■ قازىر جانە بۇدان بىلايعى ءبىر مەزگىلدە فينانس قىزمەتىن ويداعىداي ىستەۋدە، ءسوز جوق، پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، فينانس قىزمەتىنىڭ ساياسي سيپاتىن، حالىقتىق سيپاتىن تەرەڭ يگەرىپ، فينانستا قۇدىرەتتى ەل قۇرۋدى جەدەلدەتۋدى نىسانا ەتىپ، فينانستىڭ ساپالى دامۋىن ىلگەرىلەتۋدى نەگىزگى تاقىرىپ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدى نەگىزگى جەلى، فينانس قوسىنىنىڭ كىرشىكسىزدىگىن، ارنايىلانۋىن، جاۋىنگەرلىك قۋاتىن ماڭىزدى تىرەك، باقىلاۋ - باسقارۋدى جاپپاي كۇشەيتۋدى، حاۋىپ - قاتەردەن ساقتانۋدى جانە ونى جويۋدى ءتۇيىن ەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، دامۋ مەن حاۋىپسىزدىكتى ءبىر تۇتاس جوسپارلاپ، جۇيەلىك فينانس حاۋىپ - قاتەرى تۋىلماۋدىڭ تومەنگى شەگىن مىقتاپ ساقتاپ، جۇڭگوشا فينانستى دامىتۋ جولىمەن بۇلجىماي ءجۇرىپ، جۇڭگوشا وسى زامانعى فينانس جۇيەسىن جەدەل قۇرىپ، ەكونوميكالىق، قوعامدىق دامۋ مەن حالىق بۇقاراسىنىڭ كۇن سايىن ارتىپ وتىرعان فينانس قاجەتىن ۇزدىكسىز قاناعاتتاندىرىپ، جاڭا داۋىردەگى فينانس قىزمەتىنىڭ جاڭا جاعدايىن ۇزدىكسىز اشۋ كەرەك
«حالىق گازەتى»، 10 - ايدىڭ 31 – كۇنى، بەيجيڭ. ورتالىقتىڭ فينانس قىزمەتى ءماجىلىسى 10 – ايدىڭ 30 – كۇنىنەن 31 – كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە پارتيانىڭ 18 - قۇرىلتايىنان بەرگى فينانس قىزمەتىن قورىتىندىلاپ، فينانستىڭ ساپالى دامۋى ءدوپ كەلگەن جاعدايعا تالداۋ جاساپ، قازىرگى جانە بۇدان بىلايعى ءبىر مەزگىلدەگى فينانس قىزمەتىن ناقتى ورنالاستىردى.
لي چياڭ فينانس قىزمەتىن ويداعىداي ىستەۋ جونىندە ناقتى ورنالاستىرۋ جاسادى.
ءماجىلىس مىنالاردى دارىپتەدى: فينانس − حالىق شارۋاشىلىعىنىڭ قان تامىرى، مەملەكەتتىڭ وزەكتى باسەكەلىك قۋاتىنىڭ ماڭىزدى قۇرامداس بولەگى، فينانستا قۇدىرەتتى ەل قۇرۋدى جەدەلدەتىپ، فينانستى باقىلاۋ - باسقارۋدى جاپپاي كۇشەيتىپ، فينانس ءتۇزىلىسىن كەمەلدەندىرىپ، فينانستىق قىزمەت وتەۋدى ساپالىلاندىرىپ، حاۋىپ - قاتەردەن ساقتانىپ جانە ونى شەشىپ، جۇڭگوشا فينانستى دامىتۋ جولىمەن بۇلجىماي ءجۇرىپ، ەلىمىز فينانسىنىڭ ساپالى دامۋىن ىلگەرىلەتۋ كەرەك، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى تىرەك ازىرلەۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، فينانس جۇيەسى ەكونوميكالىق، قوعامدىق دامۋدىڭ جالپى جاعدايىنا پارمەندى تىرەك بولىپ، ەلەۋلى حاۋىپ - قاتەردەن ساقتانۋ جانە ونى جويۋدەن قامال الۋ شايقاسىن باتىل ويداعىداي جۇرگىزىپ، دەر كەزىندە جاپپاي دوڭگەلەك داۋلەتتى قوعام ورناتۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا ماڭىزدى ۇلەس قوستى. پارتيا ورتالىق كوميتەتى ماركسيزمدىك فينانس نازارياسىن زامانىمىزداعى جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، جاڭا داۋىردەگى فينانستىڭ دامۋ زاڭدىلىعىن قۇلشىنا يگەرىپ، ەلىمىزدىڭ فينانس ىستەرىندە امالياتتا، نازاريادا، تۇزىمدە جاڭالىق اشۋدى ۇزدىكسىز ىلگەرىلەتىپ، جۇڭگوشا فينانستى دامىتۋ جولىن قۇلشىنا اشىپ، پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىندا تاباندى بولىپ، مىنالاردى دارىپتەدى: حالىقتى وزەك ەتكەن قۇن بەتالىسىندا تاباندى بولىپ، فينانستىڭ ناقتى ەكونوميكاعا قىزمەت وتەۋىن ءتۇبىرلى ماقسات ەتۋدە، حاۋىپ - قاتەردەن ساقتانۋدى فينانس قىزمەتىنىڭ ماڭگىلىك تاقىرىبى ەتۋدە، بازارلاندىرۋ، زاڭمەن جونگە سالۋ ارناسىندا فينانستا جاڭالىق اشا دامۋدى ىلگەرىلەتۋدە، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدە، فينانستى اشىق ۇستاۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباۋ كەرەك. وسى امالياتتىق جەتىستىكتەر، نازاريالىق جەتىستىكتەر وڭاي - وسپاق قولعا كەلگەن جوق. سونىمەن بىرگە، مىنانى دا سەرگەكتىكپەن كورە ءبىلۋىمىز كەرەك: فينانس سالاسىنداعى ءتۇرلى قايشىلىقتار مەن ماسەلەلەر ءوزارا توعىسىپ، ءوزارا ىقپال جاساپ وتىر، كەيبىرەۋى ءالى دە كورنەكتى، ەكونوميكا، فينانس حاۋىپ - قاتەرىنىڭ كومەسكى قاتەرى ءالى دە ءبىرشاما كوپ، فينانستىڭ ناقتى ەكونوميكاعا قىزمەت وتەۋىنىڭ ساپاسى، ونىمدىلىگى جوعارى ەمەس، فينانستاعى بىلىقپالىق پەن شىرىكتەسۋ ماسەلەسى تيىلماي كەلەدى، فينانستى باقىلاۋ - باسقارۋ جانە جونگە سالۋ قابىلەتى ءالسىز. فينانس جۇيەسى ساياسي دەڭگەيدى شىنايى جوعارىلاتىپ، ”مەملەكەتتىڭ زور ءىسىن“ كوكەيدە ساقتاپ، بورىش پەن جاۋاپكەرلىكتى كۇشەيتىپ، وسى ماسەلەلەردى تۇبىرىنەن شەشۋگە بەل بايلاپ، فينانستىڭ ساپالى دامۋى ارقىلى مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە دەم بەرۋ كەرەك.
ءماجىلىس مىنالاردى دارىپتەدى: قازىر جانە بۇدان بىلايعى ءبىر مەزگىلدە فينانس قىزمەتىن ويداعىداي ىستەۋدە، ءسوز جوق، پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، فينانس قىزمەتىنىڭ ساياسي سيپاتىن، حالىقتىق سيپاتىن تەرەڭ يگەرىپ، فينانستا قۇدىرەتتى ەل قۇرۋدى جەدەلدەتۋدى نىسانا ەتىپ، فينانستىڭ ساپالى دامۋىن ىلگەرىلەتۋدى نەگىزگى تاقىرىپ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدى نەگىزگى جەلى، فينانس قوسىنىنىڭ كىرشىكسىزدىگىن، ارنايىلانۋىن، جاۋىنگەرلىك قۋاتىن ماڭىزدى تىرەك، باقىلاۋ - باسقارۋدى جاپپاي كۇشەيتۋدى، حاۋىپ - قاتەردەن ساقتانۋدى جانە ونى جويۋدى ءتۇيىن ەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، دامۋ مەن حاۋىپسىزدىكتى ءبىر تۇتاس جوسپارلاپ، جۇيەلىك فينانس حاۋىپ - قاتەرى تۋىلماۋدىڭ تومەنگى شەگىن مىقتاپ ساقتاپ، جۇڭگوشا فينانستى دامىتۋ جولىمەن بۇلجىماي ءجۇرىپ، جۇڭگوشا وسى زامانعى فينانس جۇيەسىن جەدەل قۇرىپ، ەكونوميكالىق، قوعامدىق دامۋ مەن حالىق بۇقاراسىنىڭ كۇن سايىن ارتىپ وتىرعان فينانس قاجەتىن ۇزدىكسىز قاناعاتتاندىرىپ، جاڭا داۋىردەگى فينانس قىزمەتىنىڭ جاڭا جاعدايىن ۇزدىكسىز اشۋ كەرەك.
ءماجىلىس مىنالاردى اتاپ كورسەتتى: ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، فينانس ەكونوميكالىق، قوعامدىق دامۋعا ساپالى قىزمەت وتەۋى كەرەك. تاماشا اقشا، فينانس ورتاسىن كۇش سالا قالىپتاستىرىپ، كەلەلى ستراتەگيالارعا، ءتۇيىندى سالالارعا جانە ءالسىز بۋىندارعا ساپالى فينانستىق قىزمەت وتەۋدى شىنايى كۇشەيتۋ كەرەك. اقشا ساياساتىنىڭ تۇراقتىلىعىن باستان - اياق ساقتاپ، پەريود اتتاعان جانە كەرى پەريودتى رەتتەۋدى ويداعىداي ىستەۋگە اناعۇرلىم ءمان بەرىپ، اقشا ساياساتىنىڭ قۇرال - سايمان ساندىعىن تولىقتاۋ كەرەك. قارجىمەن قامداۋ قۇرىلىمىن ساپالىلاندىرىپ، اناعۇرلىم كوپ فينانس بايلىعىن عىلىم - تەحنيكادا جاڭالىق اشۋدى، وزىق جاساۋدى، جاسىل دامۋدى جانە ورتا، شاعىن، ۇساق كاسىپورىنداردى جەبەۋگە جۇمساپ، جاڭالىق اشۋ ارقىلى دامۋعا دەم بەرۋ ستراتەگياسىن، وڭىرلىك سايكەستى دامۋ ستراتەگياسىن اتقارۋدى بار كۇشپەن قولداپ، مەملەكەتتىڭ استىق جانە ەنەرگيا حاۋىپسىزدىگىنە كەپىلدىك ەتۋ كەرەك. تومەن ءونىمدى يەلەنگەن فينانس بايلىعىن جانداندىرىپ، قارجىنىڭ پايدالانىلۋ ونىمدىلىگىن جوعارىلاتۋ كەرەك. عىلىم - تەحنيكا فينانسى، جاسىل فينانس، جالپىعا ءتيىمدى فينانس، زەينەتكەرلىك فينانسى، سيفرلى فينانس سىندى 5 ءىرى ءىستى ويداعىداي ىستەۋ كەرەك. وسى زامانعى فينانس قۇرىلىمى مەن بازار جۇيەسىن كۇش سالا قالىپتاستىرىپ، قارجىنىڭ ناقتى ەكونوميكاعا كىرۋ ارناسىن ىركىلىسسىزدەندىرۋ كەرەك. قارجى قۇراۋ قۇرىلىمىن ساپالىلاندىرىپ، كاپيتال بازارىنىڭ توراپتىق فۋنكتسياسىن اناعۇرلىم ويداعىداي ساۋلەلەندىرىپ، جارنا بەلەتىن تاراتۋ، تىركەۋ ءتۇزىمىنىڭ تەرەڭدەۋىن، ناقتىلانۋىن ىلگەرىلەتىپ، كوپ نەگىزدى جارنا ۇقىعى ارقىلى قارجى قۇراۋدى دامىتىپ، بازارعا شىعارىلعان سەرىكتەستىكتەردىڭ ساپاسىن كۇش سالا جوعارىلاتىپ، ماڭداي الدى قارجى قوسۋ بانكەسى مەن قارجى قوسۋ قۇرىلىمدارىن جەتىلدىرۋ كەرەك. زايوم بازارىنىڭ ساپالى دامۋىن جەبەۋ كەرەك. قۇرىلىم ورنىن كەمەلدەندىرىپ، مەملەكەت مەنشىگىندەگى ءىرى فينانس قۇرىلىمدارىنىڭ ساپالىلانۋىن، كۇشەيۋىن قولداپ، ناقتى ەكونوميكاعا قىزمەت وتەۋدىڭ نەگىزگى كۇشى جانە فينانس ورنىقتىلىعىن قورعاۋدىڭ ورنىقتىرعىشى بولىپ، ورتا، شاعىن فينانس قۇرىلىمدارىنىڭ بازارعا كىرۋىنە رۇقسات ەتۋ ولشەمى مەن باقىلاۋ - باسقارۋ تالابىن قاتايتىپ، جەرگىلىكتى ورىندى تياناق ەتىپ، ەرەكشە تيجارات جۇرگىزىپ، ساياساتتىق فينانس قۇرىلىمدارىنىڭ فۋنكتسيالىق ورنىن كۇشەيتىپ، قامسىزداندىرۋ كاسىبىنىڭ ەكونوميكالىق سىلكىنىستەگى باسەيتكىش جانە قوعامدى ورنىقتىرعىشتىق فۋنكتسياسىن ساۋلەلەندىرۋ كەرەك. بازار ەرەجەسىن كۇشەيتىپ، ەرەجەسى بىرلىككە كەلگەن، باقىلاۋ - باسقارۋى سايكەسكەن فينانس بازارىن قالىپتاستىرىپ، ۇزاق ۋاقىتتىق كاپيتالدىڭ قالىپتاسۋىن جەبەۋ كەرەك. زاڭدىق تۇلعانى جونگە سالۋدى اقاۋسىزداندىرىپ، جۇڭگوشا وسىزامانعى فينانس كاسىپورىندارى ءتۇزىمىن كەمەلدەندىرىپ، مەملەكەت مەنشىگىندەگى فينانس كاپيتالىن باسقارۋدى كەمەلدەندىرىپ، بانكەنىڭ كاپيتال قورىن تولىقتاۋ ارناسىن كەڭەيتىپ، ءوندىرىس پەن فينانس حاۋىپ - قاتەرىن اۋاشالاۋدى ويداعىداي ىستەۋ كەرەك. فينانستىڭ جوعارى دەڭگەيدە ەسىك اشۋىن كۇش سالا ىلگەرىلەتىپ، مەملەكەتتىڭ فينانس جانە ەكونوميكالىق حاۋىپسىزدىگىنە شىنايى كەپىلدىك ەتۋ كەرەك. ”سىرتتان ەنگىزۋ“ مەن ”سىرتقا شىعارۋعا“ تەڭ ءمان بەرۋدە تاباندى بولىپ، فينانس سالاسىنداعى تۇزىمدىك سيپاتتى ەسىك اشۋدى ورنىقتى كەڭەيتىپ، شەكارا اتتاعان قارجى قوسۋ، قارجى قۇراۋدىڭ قولايلىلانۋىن جوعارىلاتىپ، اناعۇرلىم كوپ شەتەل قارجىلاندىرعان فينانس قۇرىلىمدارى مەن ۇزاق ۋاقىتتىق كاپيتالدى جۇڭگوعا كەلىپ شارۋاشىلىق ورىستەتۋگە، شارۋاشىلىقتى گۇلدەندىرۋگە باۋراۋ كەرەك. شاڭحاي حالىقارالىق فينانس ورتالىعىنىڭ باسەكەلىك قۋاتى مەن ىقپال كۇشىن نىعايتىپ، شياڭگاڭنىڭ حالىقارالىق فينانس ورتالىعى ورنىن بەكەمدەۋ جانە جوعارىلاتۋ كەرەك.
ءماجىلىس مىنالاردى دارىپتەدى: فينانستى باقىلاۋ - باسقارۋدى جاپپاي كۇشەيتىپ، فينانس حاۋىپ - قاتەرىنەن ءونىمدى ساقتانۋ جانە ونى جويۋ كەرەك. فينانستى باقىلاۋ - باسقارۋدىڭ ونىمدىلىگىن شىن مانىندە جوعارىلاتىپ، بارلىق فينانس قيمىلدارىن زاڭ بويىنشا تۇگەلدەي باقىلاۋ - باسقارۋعا ەنگىزىپ، قۇرىلىمداردى باقىلاۋ - باسقارۋدى، ارەكەتتى باقىلاۋ - باسقارۋدى، فۋنكتسيانى باقىلاۋ - باسقارۋدى جاپپاي كۇشەيتىپ، بوگەتسىز باقىلاۋ - باسقارۋدى ۇزدىكسىز كۇشەيتىپ، باقىلاۋ - باسقارۋداعى اقتاڭداق پەن قالتارىس وڭىرلەردى جويىپ، زاڭدى قاتاڭ اتقارىپ، باتىلدىقپەن ايقىن پوزيتسيا ءبىلدىرىپ، زاڭسىز فينانس قيمىلدارىنا قاتاڭ سوققى بەرۋ كەرەك. ورتا، شاعىن فينانس قۇرىلىمدارىنىڭ حاۋىپ - قاتەرىن دەر كەزىندە ءبىر جاقتى ەتۋ كەرەك. جەرگىلىكتى ورىنداردىڭ قارىز حاۋىپ - قاتەرىنەن ساقتانۋدىڭ جانە ونى جويۋدىڭ باياندى مەحانيزمىن ورناتىپ، ساپالى دامۋعا ۇيلەسەتىن ۇكىمەتتىڭ قارىز باسقارۋ مەحانيزمىن ورناتىپ، ورتالىق پەن جەرگىلىكتى ۇكىمەتتەردىڭ قارىز قۇرىلىمىن ساپالىلاندىرۋ كەرەك. فينانس پەن ءۇي - جايدىڭ ءتيىمدى اينالىمىن جەبەپ، ءۇي - جاي كاسىپورىندارىنىڭ نەگىزگى تۇلعالىق باقىلاۋ - باسقارۋ ءتۇزىمى مەن قارجىنى باقىلاۋ - باسقارۋدى اقاۋسىزداندىرىپ، ءۇي - جاي فينانسىن ماكرولىق جاقتان بايىپتىلىقپەن باسقارۋدى كەمەلدەندىرىپ، تۇرلىشە مەنشىكتەگى ءۇي - جاي كاسىپورىندارىنىڭ ۇيلەسىمدى قارجى قۇراۋ قاجەتىن بىردەي كورىپ، قالاعا قاراي شارا قولدانىپ، ساياساتتىق قۇرال - سايمان ساندىعىنان ويداعىداي پايدالانىپ، تۇراقتى جانە جاقسارتىلعان تۇرعىن ءۇي قاجەتىن اناعۇرلىم ويداعىداي قولداپ، قامتاماسىزدىق تۇرعىن ءۇي سياقتى ”3 ءىرى ينجەنەريا“ قۇرىلىسىن جەدەلدەتىپ، ءۇي - جاي دامۋىنىڭ جاڭا ۇلگىسىن ورناتۋ كەرەك. فينانس بازارىنىڭ ورنىقتى اينالىمىن قورعاپ، فينانس بازارىنىڭ تاراتۋ جانە ساۋدا ارەكەتىن ارناعا ءتۇسىرىپ، مەجەلى مەرزىمگە ۇيلەسىمدى جەتەكشىلىك ەتىپ، حاۋىپ - قاتەردىڭ ءوڭىر اتتاۋىنان، بازار اتتاۋىنان، شەكارا اتتاپ ىقپال تۋدىرۋىنان ساقتانۋ كەرەك. شەتەل اقشاسى بازارىن باسقارۋدى كۇشەيتىپ، حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. فينانس حاۋىپ - قاتەرىنەن ساقتانۋدا جانە ونى جويۋدا ۇقىق پەن جاۋاپكەرلىكتىڭ قاتىناسىن ويداعىداي يگەرىپ، ۇقىق پەن جاۋاپكەرلىك بىردەي، شابىتتاندىرۋ مەن تەجەۋ سيىسىمدى بولعان حاۋىپ - قاتەردى ءبىر جاقتى ەتۋ جاۋاپكەرلىك مەحانيزمىن اقاۋسىزداندىرۋ؛ تەز بولۋ مەن ورنىقتى بولۋدىڭ قاتىناسىن ويداعىداي يگەرىپ، جالپى جاعدايدى ورنىقتىرۋ العى شارتىندا ۋاقىتتى، ولشەمدى، ونىمدىلىكتى يگەرىپ، حاۋىپ - قاتەردى تىڭعىلىقتى، ورنىقتى تۇردە شەشىپ، زاڭعا قايشى قىلمىستار مەن شىرىكتەسۋ ارەكەتتەرىن باتىل جازالاپ، ءمورالدىق حاۋىپ - قاتەردەن قاتاڭ ساقتانۋ؛ حاۋىپ - قاتەردى ەرتە پارىقتاپ، ەرتە ساقتاندىرىپ، ەرتە اشكەرەلەپ، ەرتە ءبىر جاقتى ەتىپ، قاتاڭ تەجەمگە يە فينانس حاۋىپ - قاتەرىن ەرتە تۇزەتۋ مەحانيزمىن اقاۋسىزداندىرۋ كەرەك.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتۋ − فينانس قىزمەتىن ويداعىداي ىستەۋدىڭ ءتۇبىرلى كەپىلى. پارتيانىڭ فينانس قىزمەتىنە باسشىلىق ەتۋ ءتۇزىلىس، مەحانيزمىن كەمەلدەندىرىپ، ورتالىق فينانس كوميتەتىنىڭ رولىن ويداعىداي ساۋلەلەندىرىپ، ءبىر تۇتاس جوسپارلاۋ، سايكەستىرۋ وتكەلىن ويداعىداي يگەرۋ كەرەك. ورتالىق فينانس قىزمەتى كوميتەتىنىڭ رولىن ويداعىداي ساۋلەلەندىرىپ، فينانس جۇيەسىندەگى پارتيا قۇرىلىسىن شىنايى كۇشەيتۋ كەرەك. جەرگىلىكتى پارتكومداردىڭ فينانس كوميتەتى مەن فينانس قىزمەتى كوميتەتىنىڭ رولىن ويداعىداي ساۋلەلەندىرىپ، قاراستى جەردىڭ جاۋاپكەرلىگىن تياناقتاندىرۋ كەرەك. ساياسيدا ىسىلۋ، قابىلەتتە ىسىلۋ، ستيلدە ىسىلۋ ولشەمىندە تاباندى بولىپ، ادال، كىرشىكسىز، جاۋاپكەرلىك ارقالايتىن ساپالى، ماماندانعان فينانس كادرلارى مەن دارىندىلار قوسىنىن سومداۋ كەرەك.
فينانس جۇيەسىندە جۇڭحۋانىڭ تاڭداۋلى ءداستۇرلى مادەنيەتىن بارىنشا اسقاقتاتىپ، ادال، سەنىمدى بولۋدا، ادىلەت ارقىلى پايدا تابۋدا، ورنىقتى، بايسالدى بولۋدا، تۋراشىلدىقتان جازباي، جاڭالىق اشۋدا، زاڭ - ەرەجەگە ۇيلەسۋدە تاباندى بولۋ كەرەك. فينانستى زاڭمەن جونگە سالۋ قۇرىلىسىن كۇشەيتىپ، فينانستىڭ ءتۇيىندى سالالارى مەن جاڭادان گۇلدەنگەن سالالارىندا زاڭ شىعارۋدى دەر كەزىندە ىلگەرىلەتىپ، فينانس كاسىبىنىڭ دامۋىن قورعاۋ كەرەك.
ءماجىلىس مىنالاردى دارىپتەدى: باس شۋجي شي جينپيڭنىڭ ماڭىزدى ءسوزى فينانس ىستەرىنىڭ دامۋىنداعى ءبىرقىدىرۋ كەلەلى نازاريالىق جانە امالياتتىق ماسەلەگە عىلمي جاۋاپ بەردى، بۇل − شي جينپيڭ ەكونوميكالىق يدەياسىنىڭ ماڭىزدى قۇرامداس بولىگى، ماركسيزمدىك ساياسي ەكونوميكانىڭ فينانس ماسەلەسى جونىندەگى ماڭىزدى جاڭالىق اشۋ جەتىستىگى، جاڭا ءداۋىردىڭ جاڭا جورىعىندا فينانستىڭ ساپالى دامۋىن ىلگەرىلەتۋگە ءتۇبىرلى تياناق جانە ارەكەت باعدارناماسىن ازىرلەدى. جەر - جەر، تاراۋلار ىشكەرىلەي ۇيرەنىپ، ءتۇسىنىپ، سانالى تۇردە دايەكتى تياناقتاندىرۋى كەرەك. فينانستى ماكرولىق تىزگىندەۋدى كەمەلدەندىرىپ، اقشا امانات - قارىزىنىڭ قامداۋ - قاجەتسىنۋ زاڭدىلىعى مەن جاڭا ەرەكشەلىگىن دۇرىس يگەرىپ، اقشامەن قامداۋدىڭ جالپى مولشەرى مەن قۇرىلىمىن قوس قابات رەتتەۋدى كۇشەيتۋ كەرەك. ساپالى فينانستىق قىزمەت وتەۋدى كۇشەيتىپ، فينانستىڭ جوعارى دەڭگەيدە ەسىك اشۋىن كەڭەيتىپ، ”سىرتقا شىعۋ“ مەن ”ءبىر بەلدەۋ، ءبىر جول“ قۇرىلىسىنا ويداعىداي قىزمەت وتەپ، حالىق اقشاسىنىڭ حالىقارالانۋىن بايىپتىلىقپەن تىڭعىلىقتى ىلگەرىلەتۋ كەرەك. فينانستى باقىلاۋ - باسقارۋ مەحانيزمىن اقاۋسىزداندىرىپ، باقىلاۋ - باسقارۋ جاۋاپكەرلىگىن تياناقتاندىرۋ جانە جاۋاپقا تارتۋ ءتۇزىمىن ورناتىپ جانە كەمەلدەندىرىپ، ءتۇيىندى سالالارداعى فينانس حاۋىپ - قاتەرىنەن ءونىمدى ساقتانۋ جانە ونى جويۋ كەرەك. قازىرگى فينانس سالاسىنداعى ءتۇيىندى قىزمەتتەردى كۇش سالا ويداعىداي ىستەپ، ساياساتتى اتقارۋ جانە قىزمەتتى ىلگەرىلەتۋ تەبىنىن ارتتىرىپ، اينالىمنىڭ ۇيلەسىمدى، جەتكىلىكتى بولۋىن، قارجى قۇراۋدىڭ وزىندىك قۇنىنىڭ ۇزدىكسىز تومەندەۋىن ساقتاپ، كاپيتال بازارىن جانداندىرىپ، ىشكى سۇرانىمدى ۇلعايتۋدى اناعۇرلىم ويداعىداي قولداپ، سىرتقى ساۋدانى ورنىقتىرۋدى، شەتەل قارجىسىن ورنىقتىرۋدى جەبەپ، جاڭا عىلىم - تەحنيكانى، جاڭا جارىس جولىن، جاڭا بازاردى فينانستىق جاقتان قولداۋدى كۇشەيتىپ، جاڭا قوزعاۋشى كۇش، جاڭا ابزالدىقتى جەدەل جەتىلدىرۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار، اسىرەسە، فينانس جۇيەسى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، نىسانانى باعدار ەتۋدە، ماسەلەنى باعدار ەتۋدە تاباندى بولىپ، پارتيانىڭ فينانس قىزمەتىنە باسشىلىعىن جاپپاي كۇشەيتىپ، فينانستى باقىلاۋ - باسقارۋدى كۇشەيتۋ، فينانس حاۋىپ - قاتەرىنەن ساقتانۋ جانە ونى جويۋ، فينانستىڭ ساپالى دامۋىن ىلگەرىلەتۋ سياقتى ءتۇيىندى قىزمەتتەردى تىڭعىلىقتى ويداعىداي ىستەپ، فينانستا قۇدىرەتتى ەل قۇرۋدى جەدەلدەتىپ، ءماجىلىس رۋحىن ۇگىتتەۋدى، دايەكتىلەندىرۋدى مىقتى يگەرىپ، فينانس كادرلارى مەن دارىندىلار قوسىنى قۇرىلىسىن كۇشەيتىپ، قىزمەت ورنالاستىرۋلارىنىڭ تياناقتانۋىنا كەپىلدىك ەتۋ كەرەك.
حى ليفىڭ قورىتىندى ءسوز سويلەدى. جۇڭگو حالىق بانكەسىندەگى، فينانستى باقىلاۋ - باسقارۋ باس مەكەمەسىندەگى، جۇڭگو اكتسيانى باقىلاۋ - باسقارۋ كوميتەتىندەگى، بەيجيڭ قالاسىنداعى، لياۋنيڭ ولكەسىندەگى، حۋبەي ولكەسىندەگى، سىچۋان ولكەسىندەگى جاۋاپتى جولداستار پىكىر اۋىستىرىپ، ءسوز سويلەدى.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.
ورتالىق فينانس كوميتەتىنىڭ مۇشەلەرى، ولكەلەردەگى، اۆتونوميالى رايوندارداعى، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى، ورتالىقتىڭ باسقارۋىنداعى فينانس قۇرىلىمدارىنداعى، ءىشىنارا كاسىپورىندارداعى نەگىزگى جاۋاپتى جولداستار قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
