لي چياڭ ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەدپەن كەڭەس وتكىزدى ءارى جۇڭگو - ساۋد ارابياسى جوعارى دارەجەلى بىرلەسكەن كوميتەتىنىڭ 4 - رەتكى ءماجىلىسىن بىرگە باسقارىپ اشتى

سول جەر ۋاقىتى 9 - ايدىڭ 11 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ ريادتاعى پاتشا سارايىندا ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەدپەن كەڭەس وتكىزدى ءارى جۇڭگو - ساۋد ارابياسى جوعارى دارەجەلى بىرلەسكەن كوميتەتىنىڭ 4 - رەتكى ءماجىلىسىن بىرگە باسقارىپ اشتى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 9 - ايدىڭ 11 – كۇنى، ريادت (ءتىلشى ۋاڭ دي). سول جەر ۋاقىتى 9 - ايدىڭ 11 - كۇنى تۇستەن كەيىن مەملەكەتتىك كەڭەستىڭ زۇڭليى لي چياڭ ريادتاعى پاتشا سارايىندا ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەدپەن كەڭەس وتكىزدى ءارى جۇڭگو - ساۋد ارابياسى جوعارى دارەجەلى بىرلەسكەن كوميتەتىنىڭ 4 - رەتكى ءماجىلىسىن بىرگە باسقارىپ اشتى.

لي چياڭ الدىمەن ءتوراعا شي جينپيڭنىڭ سالمان پاتشا مەن پاتشا مۇراگەرى مۇحاممەدكە جولداعان ىقىلاستى سالەمىن جەتكىزدى. لي چياڭ مىنانى ءبىلدىردى: ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن ساۋد ارابياسى ءوزارا قۇرمەت ەتۋگە، ءوزارا سەنىم ارتۋعا، ءوزارا تيىمدىلىك جاساۋعا، ءوزارا ۇيرەنۋگە، ءوزارا ۇلگى الۋعا تاباندى بولدى، ەكى جاقتى قارىم - قاتىناس جان - جاقتى، تەز، ىشكەرىلەي دامىپ، ءار سالاداعى سەلبەستىكتىڭ تابىسى مول بولدى. جۇڭگو جاق ساۋد ارابياسىمەن ديپلوماتيالىق قارىم - قاتىناستى دامىتۋدى جۇڭگو ديپلوماتياسىنىڭ جالپى جاعدايىنىڭ، اسىرەسە، ورتا شىعىس ديپلوماتياسىنىڭ الدىمەن ەسكەرىلەتىن بەتالىسىنا قويادى، ساۋد ارابياسىمەن ءوزارا تاباندىلىقپەن قولداۋ كورسەتىپ، ءوزارا تابىسقا جەتىپ، ءبىر - ءبىرىنىڭ دامۋىن باتىل تۇردە ماڭىزدى وراي ساناپ، جوعارى دارەجەلى كوميتەت مەحانيزمىنىڭ رولىن ونان ارى ساۋلەلەندىرىپ، ەكى ەل قارىم - قاتىناسىنىڭ تىڭ دا اناعۇرلىم زور دامۋىن جۇزەگە اسىرۋدى ىلگەرىلەتىپ، ەكى ەل حالقىنىڭ ىرىس - قۇتىن ۇزدىكسىز مولايتۋدى قالايدى.

لي چياڭ بىلاي دەپ اتاپ كورسەتتى: جۇڭگو مەن ساۋد ارابياسى − وركەندەپ كەلە جاتقان ءىرى ەلدەر، كەڭ كولەمدى ورتاق مۇددەگە يە. جۇڭگو جاق ساۋد ارابياسى جاقپەن دامۋ جولىندا تىعىز سەلبەسىپ، تىزە قوسا العا باسۋدى قالايدى. ەكى جاق ەكى جاقتى ساۋدا كولەمىن ونان ارى كەڭەيتىپ، مۇناي، تابيعي گاز، مۇناي حيميا، نەگىزدىك قۇرىلعى قۇرىلىسى سياقتى ءداستۇرلى سالالارداعى سەلبەستىكتى تەرەڭدەتىپ، جاڭا ەنەرگيا، ينفورماتسيا، حابارلاسۋ، سيفرلى ەكونوميكا، جاسىل ەكونوميكا سياقتى جاڭادان گۇلدەنگەن سالالارداعى سەلبەستىكتى كەڭەيتىپ، ءوز ەلىنىڭ كاسىپورىندارىن قارسى جاققا بارىپ قارجى قوسىپ، كاسىپتى گۇلدەندىرىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن بىرگە قورعاۋعا شابىتتاندىرۋى كەرەك. ”2025 - جىلعى جۇڭگو - ساۋد ارابياسى مادەنيەت جىلى“ قيمىلىن ويداعىداي وتكىزىپ، مادەنيەت، اقىل - پاراسات قويماسى، وقۋ - اعارتۋ، اقپارات قۇرالدارى، حالىقتىق ىستەر سياقتى گۋمانيتارلىق اۋىس - كۇيىس پەن سەلبەستىكتى ىلگەرىلەتىپ، ەكى ەل حالقىنىڭ ءوزارا ءتۇسىنىسۋى مەن دوستىعىن ۇزدىكسىز نىعايتۋ كەرەك. جۇڭگو جاق ساۋد ارابياسى جاقتىڭ حالىقارالىق، وڭىرلىك ىستەردە اناعۇرلىم زور رول اتقارۋىن قولدايدى، ساۋد ارابياسى جاقپەن كوپ جاقتى سايكەسۋدى كۇشەيتىپ، ازيا ەلدەرىنىڭ ىنتىماعىن، سەلبەستىگىن جەبەپ، حالىقارالىق ادىلدىكتى، تۋراشىلدىقتى بىرگە قورعاپ، دۇنيە جۇزىلىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋدى قالايدى.

مۇحاممەد مىنانى ءبىلدىردى: ساۋد ارابياسى مەن جۇڭگونىڭ دوستىق بارىس - كەلىس تاريحى ۇزاق. سالمان پاتشا مەن ءتوراعا شي جينپيڭنىڭ ستراتەگيالىق جەتەكشىلىگىندە، ەكى ەل قارىم - قاتىناسى جوعارى دەڭگەيدە دامىپ كەلەدى، ەكى ەل − ءوزارا ارقا سۇيەۋگە بولاتىن جان - جاقتى ستراتەگيالىق سەرىكتەر. ەكى ەل ساياسي جاقتا ءبىر - بىرىنە ايرىقشا سەنىم ارتىپ، ءتۇرلى سالاداعى ءوزارا ءتيىمدى سەلبەستىكتى ۇزدىكسىز تەرەڭدەتتى، ساۋد ارابياسى جاق جۇڭگو جاقپەن جوعارى جىكتەگىلەردىڭ بارىس - كەلىسىن ونان ارى جيىلەتىپ، ساۋد ارابياسى - جۇڭگو جوعارى دارەجەلى بىرلەسكەن كوميتەتى مەحانيزمىنىڭ رولىن ويداعىداي ساۋلەلەندىرىپ، دامۋ ستراتەگياسىن ۇشتاستىرۋدى كۇشەيتىپ، ەنەرگيا، قارجى قوسۋ، فينانس، گۋمانيتارلىق سياقتى سالالارداعى اۋىس - كۇيىستى، سەلبەستىكتى تەرەڭدەتىپ، ەكى ەل حالقىن اناعۇرلىم باقىتقا كەنەلتۋدى ءۇمىت ەتەدى. ساۋد ارابياسى مەن جۇڭگونىڭ حالىقارالىق، وڭىرلىك ماسەلەلەردەگى تۇرعىسى قارايلاس، ورتاق جاۋاپكەرشىلىك ارقالاپ وتىر. ساۋد ارابياسى مەن جۇڭگو باسقا ەلدەردىڭ يەلىك ۇقىعىنا قۇرمەت ەتۋگە، ىشكى ىسىنە كيلىكپەۋ پرينسيبىن اتقارۋعا تاباندى بولدى. ساۋد ارابياسى جاق جۇڭگونىڭ پالەستينا ماسەلەسىندە ءادىل مايداندا تۇرعاندىعىن بارىنشا القايدى، جۇڭگومەن حالىقارالىق كوپ جاقتى ىستەر سەلبەستىگىن جيىلەتىپ، ءوڭىردىڭ، سونداي - اق دۇنيە ءجۇزىنىڭ بەيبىتشىلىگىن، حاۋىپسىزدىگىن جانە ورنىقتىلىعىن قورعاۋعا ۇلەس قوسۋدى قالايدى.

كەڭەستەن كەيىن لي چياڭ مۇحاممەدپەن بىرگە «جۇڭحۋا حالىق رەسپۋبليكاسى ۇكىمەتى مەن ساۋد ارابياسى پاتشالىعى ۇكىمەتى جوعارى دارەجەلى بىرلەسكەن كوميتەتىنىڭ 4 - ءماجىلىسىنىڭ ماڭىزدى ەستەلىگىنە» قول قويدى.

كەڭەستەن بۇرىن مۇحاممەد ريادتاعى پاتشا سارايىندا لي چياڭدى قارسى الۋ سالتىن وتكىزدى. لي چياڭ مۇحاممەدتىڭ سەرىك بولۋىندا قۇرمەت قاراۋىلىن كوزدەن كەشىردى.

ساپار كەزىندە ەكى جاق تەحنيكالىق كاسىپ، اۋا رايى سياقتى كوپ ءتۇرلى ەكى جاقتى سەلبەستىك قۇجاتتارىنا قول قويدى.

كەلۋ قاينارى: حالىق تورابى